Разликата помеѓу војска во повлекување и разбиена војска е во тоа што при првото, војниците генерално го носат оружјето со себе.
Нема гаранција дека она што ќе го видиме од руската армија додека се повлекува од западниот брег на реката Днипро, нема да спаѓа во претходната категорија.
Според д-р Мајк Мартин, висок соработник на воените студии на Кралскиот колеџ во Лондон и поранешен офицер на британската армија. Повлекувањето на руската војска од јужниот украински град Херсон е толку лошо изведено што се чини дека ќе им овозможи на украинските сили да го совладаат нивниот непријател, пренесува Гардиан.
Русија мораше да го објави повлекувањето бидејќи се повлекуваше од територијата што претходно ја анектираше, но се чини дека сите руски војници не беа информирани за потегот за повлекување, рече тој на Твитер.
„И, како што знаеме, повлекувањето е најтешкиот воен маневар за извршување. Многу потешко ако го објавите пред рака. Така, сега имаме ситуација кога руските трупи го заглавуваат преминот по точки и се гранатирани од Украинците“.
And, as we know, retreating is the hardest military manoeuvre to carry out.
Much harder if you announce it before hand.
— Mike Martin ? (@ThreshedThought) November 10, 2022
Неидентификуван руски војник кој објавил извештај за повлекувањето, опишува како една единица ги фрлала своите униформи додека ги обвинувала оние во Русија кои го рационализирале повлекувањето од јужниот украински град Херсон.
Russian fighter who was previously in Kherson, “13th”, is in panic mode, saying… just watch for yourself. pic.twitter.com/yHFRRDIZnU
— Dmitri (@wartranslated) November 10, 2022
Додека се повлекуваат од јужниот украински град Херсон, Руските војници ги напуштаат ранетите соборци, пишува Дејли Телеграф.
Николај, украински војник кој се бори во регионот, изјави за весникот:
Има повлекување на руските војници на поутврдени позиции. Но, сè уште имаше населени места каде што гледавме битки. Се повлекуваат затоа што трпат загуби, многу тешки загуби. Уште повеќе, тие дури и не ги земаат телата на своите војници и ги оставаат ранетите зад себе.
Украина напредува на фронтот во регионот Херсон во јужна Украина
Украинската армија претпазливо се движи во областите напуштени од руските војници долж линијата на фронтот во регионот Херсон во јужна Украина, откако рускиот министер за одбрана најави повлекување од западниот брег на реката Днипро, пренесува Њу Јорк Тајмс. Овој потег означува значителен неуспех за руската војска, откако Москва во септември прогласи делови од регионот како руска земја.
Тешките борби продолжуваат на некои места, но украинското напредување во Снихуривка, важен центар северно од градот Херсон, кој беше напуштен во текот на ноќта, покажува дека Русите, навистина, се повлекуваат од градот, нивната најголема добивка во инвазијата, но овој процес може да потрае со недели. Најавата од средата се сметаше за голем неуспех за воените напори на Москва, иако украинските власти беа скептични -плашејќи се од измама во руската најава за повлекување, што следеше по неколкудневните енигматични изјави од окупаторските власти и предупредуваа дека маневрот може да биде замка.
Украинската војска вчера соопшти дека напреднала во 100 квадратни милји на фронтот во изминатите 24 часа и дека деокупирала 12 градови и села.
„Непријателот се прегрупира и презема мерки за делумно повлекување на војниците на левиот брег на Днипро“, се вели во соопштението на војската, мислејќи на источниот брег на реката, каде што руската војска воспоставува одбрана.
Украинската армија соопшти дека постигнала големи придобивки во текот на последниот ден околу Херсон, додека украинските војници го вратиле клучниот град Снихуривка, 50 километри северно од Херсон. Украинските војниците ги пречекуваат локалните жители на плоштадот, откако влегле во градот Снихуривка, кој се наоѓа на главниот патен јазол и е железнички центар за регионот на Миколаев, кој граничи со Херсон на север и запад, пренесува Би-Би-Си.
Регионалната администрација во Миколаив објави на Телеграм дека „многу добри вести денес“. Тоа ги поттикна шпекулациите во четвртокот вечерта дека украинските војници стигнале до предградието на самиот Керсон, откако криптички објавија една буква – „Ч“ на украински. Ова беше земено како можна трага дека војниците стигнале до приградското село Чорнобајевка.
Кијив, исто така, побара зголемен притисок на два фронта во близина на Херсон, вклучително и напредок од 7 километри на некои места долж линијата на борбите.
Врховниот командант на Украина Валериј Залужни во четвртокот изјави дека не може да го потврди или негира повлекувањето – но рече дека неговите сопствени сили постигнале важен напредок.
Генералот Залужни рече дека неговите војници напредувале на два фронта на западниот брег на реката Днипро – област која го опфаќа Херсон – преземајќи контрола над 12 населени места.
Добивките од 7 километри беа постигнати „во текот на изминатиот ден“, рече тој, додека војниците напредуваа по североисточната оска и посебната западна оска.
Според Залужни, Русија нема друга опција освен да побегне, откако нејзините линии за снабдување беа уништени и нејзините командни системи беа прекинати.
Подоцна во четвртокот, украинскиот министер за одбрана рече дека на Русија ѝ треба најмалку една недела да се повлече и дека не е лесно да се предвидат активностите на неговиот непријател.
Јенс Столтенберг, шефот на воената алијанса на НАТО на западните земји, рече дека е јасно дека Русија е под „силен притисок“, но дека е важно да се види „како се развива ситуацијата на теренот“.
Секретарот за одбрана на Обединетото Кралство рече дека Русија се чини дека поставува одбранбена линија од другата страна на реката Днипро користејќи бетонски инсталации. Коментирајќи го повлекувањето, Бен Валас рече дека „светот не треба да изразува благодарност за тоа што Русија го враќа украдениот имот“.
Советник на украинскиот претседател Михајло Подољак, изјави дека е премногу рано за славење и ги обвини руските окупатори дека сакаат да го претворат Херсон во „град на смртта“ оставајќи зад себе мини и со намера да го гранатира од далеку по повлекувањето..
Тоа би можело да го зголеми бројот на жртви во војната во која веќе се убиени или повредени 100.000 војници на секоја страна и 40.000 цивили, според најновата проценка на висок американски генерал.
Севкупно, украинските војници повторно зазедоа повеќе од 40 населени места од руската контрола за време на нивниот напредок во јужна Украина, рече претседателот Володимир Зеленски. Не беше можно Би-Би-Си самостојно да ги потврди деталите за најновите територијални придобивки и загуби – но извештаите доаѓаат по неколку недели постојан напредок од украинската војска.
Владимир Путин се крие од јавноста по руското повлекување, соочен со пораз
Херсон беше првиот – и единствениот регионален главен град што падна во рацете на Русија откако ја нападна Украина на 24 февруари.
Од крајот на септември, Кремљ ја сметаше за руска територија – по таканаречените „референдуми“ во окупираните области на Украина кои беа широко дискредитирани од меѓународната заедница.
Во средата, Москва рече дека повеќе не е можно да го снабдува градот, велејќи дека ќе се повлече од западниот брег на Днипро – река што ја дели Украина на пола.
Но, рускиот претседател Владимир Путин не учествуваше во телевизиското соопштение.
Неговот отсуството во врска со најавите за повлекување на неговите сили од клучните области на Украина е тема на дискусија кај аналитичарите.
Отсуството (на Путин) е намерно, пишува националниот дописник на Њујорк Тајмс Нил МекФаркухар, кој додава: Меѓутоа, со секое ново нагласено назадување во Украина, на Путин му е се потешко да се одвои од мирисот на неуспехот, кој постепено го нагризува неговиот имиџ на одлучувачки, нескротлив лидер.
Професорот Марк Галеоти, експерт за модерна Русија, во меѓувреме сугерира дека, очигледно отстапувајќи ја власта на помудрите генерали, Путин учи од своите грешки.
Очигледно е дека Владимир Путин има потешкотии да се соочи со реалноста, и да прифати дека ја губи војната во Украина, што секако ќе имплицира негово забрзано губење на поддршката , кај своите воени сојузници, но и кај обичните Руси, кои имаат се помалку трпение за одлуките кои одат на нивна штета.
Критиките упатени на негова адреса се сé погласни, само останува да се види колку време преостанува од критики да се прејде на дело, она што целиот демократски свет го очекува со нетрпение, соборувањето на Путин.
Драган Мишев
