ВЕСТ НА ДЕНОТ
Земјите од Западен Балкан се дел од Европа и тие мора да бидат вклучени во нејзините стратегии
Премиерот на Северна Македонија, Димитар Ковачевски ја поздрави можноста да се разговара на оваа клучна тема не само во регионот и во Европа, туку на глобално ниво. Коментирајќи ги предизвиците при социјално-еколошка транзиција тој посочи дека најголемиот удар врз дисбалансот на пазарот на електрична енергија дојде после руската агресија на Украина, при што дојде до недостаток на енергенси во Европа, пред се гасот од кој зависеше и цената на електрична енергија, меѓутоа и снабдувањето со електрична енергија.
ИЗЈАВА НА ДЕНОТ
Промена кај втората и третата блок тарифа за електрична енергија од 1 јануари идната година најави денеска како можност министерот за економија Крешник Бектеши.
„Потрошувачката е значително намалена, а не сум слушнал ни поплаки на граѓаните за висината на сметките, затоа што воведовме правичен концепт за тие што ќе штедат да платат помалку, а тие што имаат можност и трошат, да платат повеќе и да ги покриваат и овие што штедат за да имаат пониска цена на електрична енергија“, рече Бектеши.
ФЛЕШ ВЕСТИ
ЈСП Директорот на компанијата што опслужува дел од линиите на скопскиот градски превоз, „Слобода превоз“, Ленин Јовановски, информираше дека Град Скопје денеска извршил инспекции во претпријатието, нешто што според него никогаш не се случило досега и што го чувствуваат како притисок.
– Ако мислат дека со тоа ќе извршат притисоци да се откажеме за да нема некакви казни, нема да го направиме тоа, рече Јовановски на денешната прес-конференција.
ОПШТЕСТВО Ромската популација е една од засегнатите страни вклучени во економските политики, нивната подобра интеграција и вклучување во сите сфери ќе даде придонес за севкупниот економски развој во државата, порача вицепремиерот задолжен за економски прашања Фатмир Битиќи на денешната отворање на меѓународниот „РЕДИ самит“.
ЗЕЛЕНА АГЕНДА Во панел дискусијата: „Стратешки пристап кон напуштање на јагленот: Дали енергетската криза стана поттикнувачки фактор?“, министерот Нуредини говореше за политичките и финансиските перспективи за праведна транзиција на нашата држава, како и за роковите за напуштање на јагленот и преминување кон новите извори на енергија што ги наведе Енергетската заедница, но во исто време и енергетската криза со која се соочуваме, наложувајќи прераспределба на буџетски средства од веќе предвидените проекти.
ИНТЕГРАЦИИ Вицепремиерот за европски прашања и главен преговарач, Бојан Маричиќ истакна дека е задоволен од подготвеноста на македонскиот преговарачки тим. Оценката следува по завршувањето на првиот билатерален скрининг за поглавјето 24 „Право, слобода и безбедност“.
ВОЈНА ВО УКРАИНА
Руската армија уби четворица цивили во Донецката област, уште двајца цивили повредени во гранатирањето на Вовчанск
Руската армија на 21 ноември уби четворица жители на регионот Доњецк и рани уште четворица, изјави Павло Кириленко, шеф на регионалната воена управа на Доњецк во објава на Телеграм, пренесува Укринформ.
Парламентарното собрание на НАТО ги повика членките да ја прогласат Русија за терористичка држава Генералното собрание на НАТО усвои резолуција поврзана со Самитот на Алијансата одржан во Мадрид, како и со актуелната руска агресија врз Украина.
„Ги повикуваме државите членки јасно да изјават дека руската држава под сегашниот режим е терористичка“, истакнуваат од Генералното собрание на НАТО.
ЦИТАТИ
