Ако зборуваме за национализмот, мора да направиме разлика. Дали зборуваме за Гостивар, или зборуваме за цела држава. Гостивар никогаш не бил „националистички“ град, што не можам да кажам за цела Македонија. Ако зборуваме за овој период, да, некои работи се ставени под ред, но сепак не е тоа што треба да биде. Нема да навлегувам до детали, да обвинувам политички партии или други, сите сме виновни. Не е проблемот само пред изборни кампањи, вели советничката во општина Гостивар, Себајете Зенку во своето обраќање на настанот „Граѓански дијалози за односите меѓу заедниците: Предизвици и решенија“.
Зенку вели дека политичките партии се тие што пропагираат национализам, а медиумите го шират. Национализмот не е само општествен проблем туку и семеен. Малку се зборува во семејството за почитување на различностите. Промените почнуваат од самите себе.
„Пред неколку години на една обука во Струмица еден од организаторите ми вели „се надевам ќе нè разбереш на струмички оти тука не се зборува на шиптарски“. Мило ми е што ситуацијата сега не е како што била претходно има огромни промени, но тоа не треба да не задоволува. Ние не треба да работиме само еден со друг, туку да работиме и еден до друг“, додаде Зенку.
Д. Тахири
камера и монтажа: Ариан Мехмети
фотографија: Горан Наумовски
