По околу 17 часа расправа и тензии, албанскиот парламент го одобри законот за „контрола на одгледувањето и преработката на растението канабис, за медицински потреби. Се очекува Турција да ја преземе командата со мировните сили предводени од НАТО во Косово во планираната ротација оваа есен, пишуваат косовските медиуми.
Ова се дел од темите од изборот на редакцијата на ЦИВИЛ Медиа од албанските медиуми во регионот, за денешното издание на АЛ-ПРЕС.
АЛБАНИЈА
РСЕ: Албанскиот парламент ги одобри законите на кои се противи опозицијата
„По околу 17 часа расправа и тензија, Парламентот на Албанија го одобри законот за „контрола на одгледувањето и преработката на растението канабис и производството на неговите нуспроизводи за медицински и индустриски цели“.
Маратонската сесија започна во четвртокот наутро, а заврши во раните утрински часови.
Собраниската седница беше затворена со одобрување на уште неколку иницијативи на кои се спротивставија опозицијата и интересните групи.“, пренесе Радио Слободна Европа.
Клан: СПАК ја достави потерницата за Арбен Ахметај во полиција
„Специјалниот суд го одобри барањето на СПАК за апсење на Арбен Ахметај. Веднаш по определувањето на безбедносната мерка „затворски притвор“ во отсуство на оваа одлука, Специјалното обвинителство го доставило налогот до полицијата и побарало информации за тоа каде се наоѓа поранешниот министер.“, пренесе Клан.
КОСОВО
Бота Сот: Турција ќе ја преземе командата на КФОР во Косово
„На почетокот на јуни контингент турски војници замина за Косово. Сето тоа во рамките на мисијата на мировните сили на КФОР, по последните настани на северот на Косово.
„Се очекува Турција да ја преземе командата со мировните сили предводени од НАТО во Косово во планираната ротација оваа есен“, се вели во одговорот на мисијата.
Поранешниот полковник на КБС, Африм Весели вели дека турската држава доста добро ги знае состојбите во регионот.“, пренесе Бота Сот.
Албеу: Денеска се состанува меѓуинституционалната група за Советот на Европа, ќе учествува и Курти
„Денеска ќе се состане Меѓуинституционалната група за Советот на Европа.
Според најавата, на оваа средба ќе учествуваат премиерот Албин Курти и вицепремиерката Доника Гервала.“, пренесе Албеу.
КУЛТУРА
Газета Експрес: Призрен го отвора второто издание на Меѓународниот театарски фестивал
Меѓународниот театарски фестивал „Призренфест“ започнува на 22 јули и ќе трае до 28 јули. Околу една недела во градот Призрен ќе слетаат претстави од внатре и надвор од Косово. Помеѓу домашни и странски режисери, уметничката активност, било да е тоа претстави, конференции или работилници ќе се одржува на различни локации во градот.
Местата кои традиционално се познати како клучни точки каде се одвива уметничкиот живот во Призрен, годинава се домаќини на театарскиот фестивал. Локациите кои ќе бидат активни се: Кино Лумбарди, Синан Паша Кеј, Аби Чаршија, Кино Платон и Католичката катедрала „Богородица на вечната помош“, пренесе Газета Експрес.
КОЛУМНА
Јава Њуз: Страв од нашата елита?!
„Темата за една елита и потребата да се смени ,речиси вреска. Сепак, ни претстои уште долг пат. Училиштето, поединците, општеството, недостигот на меритократија и политика ставија пик на се. Во неколку случаи, се гледа дека дури и граѓанските организации се канализирани според интересите, додека се чини дека елаборираната научна мисла која ќе му претходи на развојот на земјата природно недостасува. Академијата на науките не може да ги предвиди случувањата во земјата. Има континентална утеха, затоа што недостатокот на елитата или нејзината активност се гледа и во земјите каде што имаше школи на мислата, се уште има моќни универзитети и сè уште имаме поединци од високи нивоа.“, пишува авторот Бен Андони во колумната „Страв од нашата елита?! Објавена во Јава Њуз.
Д. Тахири
