Десетици илјади луѓе излегоа денеска на улиците на Париз на протест под мотото „Граѓански марш против антисемитизмот“ поради зголемениот број антисемитски инциденти во Европа од избувнувањето на војната во Газа.
Премиерката Елизабет Борн и лидерката на екстремната десница Марин Ле Пен, меѓу другите, присуствуваа на протестот, пренесува МИА.
Францускиот претседател Емануел Макрон не се приклучи на учесниците на протестот, но ја изрази својата поддршка и ги повика граѓаните да се спротивстават на „неподносливото оживување на неконтролираниот антисемитизам“.
