Од почетокот на конфликтот, над 650.000 луѓе останаа без покрив над главата во Појасот Газа, додека 1,9 милиони се раселени, соопшти Канцеларијата на Обединетите нации за координација на хуманитарните активности.
На 100 илјади раселени семејства во Појасот Газа им се потребни зимски шатори.
„Се проценува дека повеќе од 650.000 луѓе немаат дом во кој да се вратат. Многу луѓе нема да можат да се вратат во своите домови поради оштетување на инфраструктурата и ризик од остатоци од експлозив“, соопшти Канцеларијата на ОН за координација на хуманитарните активности.
Се додава дека 1,9 милиони луѓе се принудно раселени во Појасот Газа.
Многу раселени Палестинци се засолниле во регионот Рафах, кој се наоѓа на југот на енклавата.
