ВЕСТ НА ДЕНОТ

Владината делегација, предводена од Мицкоски од денеска учествува на Самитот на НАТО во Вашингтон

Владината делегација предводена од премиерот Христијан Мицкоски од денеска учествува на Самитот на НАТО во Вашингтон со кој се одбележуваат 75 години од формирањето на Алијансата. Предвидени се и билатерални средби со државници на земји членки на Алијансата.

ИЗЈАВА НА ДЕНОТ

Бајден: Руските ракетни напади на детската болница во Кијив се ужасен потсетник на руската бруталност, нашата поддршка за Украина е непоколеблива

„Руските ракетни напади во кои денеска загинаа десетици украински цивили и предизвикаа штети и жртви во најголемата детска болница во Кијив, се ужасен потсетник на руската бруталност. Од клучно значење е светот да продолжи да стои со Украина во овој важен момент и да не ја игнорираме руската агресија“,  изјави претседателот на САД, Џо Бајден, по неодамнешните ракетни напади на Русија врз Украина.

РЕГИОН

Северно Косово и заканите за отцепување во БиХ се најголемиот ризик за регионот, посочи Американскиот помошник државен секретар за европски и евроазиски прашања Џејмс О’Брајан.

СВЕТ

Путин го прими „драгиот пријател“ Моди, Вашингтон изрази загриженост, за Зеленски ова е „огромно разочарување и катастрофален удар за мировните напори“

СЛОБОДНА ЗОНА

„рускиот удар одзема животи, повреди деца, ги уништи одделенијата за интензивна нега, оперативни и онколошки одделенија на детската болница.

Спасувачката работа не е запрена откако русите извршија насочен ракетен напад врз детската болница, од под урнатините се извлекуваат деца и возрасни.

Во текот на денот на 8 јули, рф изврши уште еден ракетен напад врз друга болница во Кијив.“, пишува Н.Е. Лариса Дир, украинската амбасадорка во Република Северна Македонија, во статијата „Украина иницира свикување на итен состанок на Советот за безбедност на ОН“.

„Жртвите на војната секогаш умираат два пати. Најмалку.

Првиот пат од разорното дејство на оружјето, а потоа и од деструкцијата на пропагандната машинерија која манипулира и негира, ја префрлува одговорноста, ги дехуманизира своите жртви и го отвора патот за нови напади и сеење терор меѓу цивилите.“, пишува Џабир Дерала во колумната „Жртвите на војната секогаш умираат два пати“. 

Подготви: Д. Тахири