ТЕМА НА ДЕНОТ
30 дена Влада: Мицкоски се пофали со големи инвестициски проекти, СДСМ наведе 30 лоши политики за 30 дена владеење на ВМРО – ДПМНЕ
Премиерот Христијан Мицкоски со промотивно видео на неговиот Фејсбук профил ги објави досегашните проекти и инвестиции во првиот месец од новата влада.
Инвестиција вредна 500 милиони долари влегува во Македонија. Изградба на најголемиот парк во државата и регионот од 55 ветерници – 630 работни места. Нова инвестиција од 20 милиони евра и нови 110 работни места. Над 55 инвестициски милиони евра и отворање на 100 нови работни места во ТИРЗ зоната. Воспоставување на специјална економска соработка со Унгарија. 5000 денари линеарно зголемување на пензиите;. 250 милиони евра за општините во Македонија.
Од друга страна опозициската СДСМ денеска преку соопштение наброја 30, како што ги нарече, „лоши политики“ за 30-те дена од новата влада на Христијан Мицкоски. СДСМ тврди дека тоа биле „убедливо најлоши политики за рекордно кратко време“.
Меѓу другото, СДСМ оценува дека владата го прекинала растор на платите, направило 4 нови министерства „за вдомување партиски кадри“, отворило проблем со Грција и ја блокирало земјата, скришно го користела името Северна Македонија, не обезбедила 5.000 денари за пензионерите, толерирала масовен раст на криминалот по улиците и слично.
ИЗЈАВА НА ДЕНОТ
Битиќи: Со ребалансот ќе добиеме чудовиште од јавен долг од над 60 отсто
„Со овој ребаланс јавниот долг ќе стане „чудовишен“ сам по себе. Во делот на приходната страна на Буџетот, кај задолжувањата во странство од првично проектираните 728,6 милиони евра, има зголемување на нови 826,2 милиони евра и тоа е зголемување на јавниот долг кон надвор за околу 100 милиони евра, изјави пратеникот од СДСМ, Фатмир Битиќи на денешната седница на Комисијата за финансирање и буџет, на кој се расправаше за ребаланс на Буџетот..
СВЕТ
Трамп ja нападна Камала Харис нарекувајќи ја „радикал“ и „луда“
Поранешниот претседател Доналд Трамп во средата ја критикуваше заменик-претседателката Камала Харис како радикално либерална и ја обвини за, како што рече, „катастрофалната“ политика на администрацијата на Бајден, пренаменувајќи ги нападите што тој долго време ги упатуваше кон претседателот Џо Бајден, сега кога Харис е подготвенa да биде негов противник во ноември.
РЕГИОН
ЕК со тужба против Бугарија поради ограничувањата за времено обезбедување социјални услуги
Европската комисија објави дека одлучила да поднесе тужба против Бугарија пред Судот на правдата на Европската унија поради бугарскиот закон за социјални услуги, кој одредува максимално времетраење од шест месеци за обезбедување на времени социјални услуги.
СЛОБОДНА ЗОНА
„Додека ние обичните смртници на +40 степени, некогаш и по речиси цел саат чекаме автобус за да стигнеме на работа, и ако ако имаме среќа да дојде автобусот се молиме да не се расипе или да не се запали, нашиот ни премиер нè информирал дека се возел во бизнис класа оти го болеле колената и ако не се возел во луксузен авион цел ден ќе бил нефункционален.“, пишува Авторот Дехран Муратов, во колумната „Нема редовно автобуси, немаш живци, а ни болки во колената!“.
Подготви: Д. Тахири
