ВЕСТ НА ДЕНОТ
М-НАВ: Отворена е истрага за безбедносниот настан на небото над Скопје на 7 септември
Во пропишаниот рок, поднесена е пријава за безбедосниот настан на небото на Скопје што се случи на 7.месецов и отворена е истрага за утврдување на фактичката состојба и причините, информира денеска Давателот на навигациски услуги М-НАВ, по објавите за избегнат инцидент со судир на два авиона.
Од М-НАВ потенцираат дека таквите настани како и секаде во Европа, секогаш се навремено пријавени и процесирани од сите релевантни одделенија.
ИЗЈАВА НА ДЕНОТ
Радев: Очекувам конечно да се решат отворените прашања
„Бугарија отсекогаш била отворена за дијалог со Република Северна Македонија и очекувам овој дијалог да придонесе кон нашето културно зближување, но и да ја поттикне економската соработка. Очекуваме Северна Македонија да ги исполни сите свои обврски и кон нас и кон Европската Унија“, изјави денеска претседателот на Бугарија Румен Радев пред средбата со претседателката на Северна Македонија Гордана Сиљановска Давкова, која е во посета на Бугарија.
РЕГИОН
Во Бугарија се урна воен тренажен авион Л-39
Воениот авион за обука Л-39 денеска се урна во воздухопловната база „Граф Игњатиево“ во Бугарија, при изведување комплексен маневар на екстремно мала надморска височина, пренесуваат медиумите. За време на несреќата падобраните не се отвориле, а со авионот управувале двајца пилоти. Како последица на падот на авионот избувнал пожар.
СВЕТ
Трамп бега од нова дебата со Камала Харис, која води на анкетите и смета дека на избирачите им должат уште едно соочување
Доналд Трамп вчера изјави дека повеќе нема повторно да дебатира со потпретседателката Камала Харис, додека нејзината кампања соопшти дека примила донации од 47 милиони долари во 24 часа откако тие се сретнаа за прв пат, во вторникот вечерта. Харис рече дека таа и Трамп им „должат на гласачите“ повторно да се пресметаат.
ПРАШАЊЕ НА ДЕНОТ: Дали и зошто политичарите ги злоупотребуваат верските чувства за создавање тензии?
СЛОБОДНА ЗОНА
„Пред некој ден една родителка се пожали дека во ОУ „Раде Кратовче“ во Кочани има дискриминација врз учениците Роми од страна на одредени наставници.
„На родителска една мајка истакна дека децата (Македонци) се отпишуваат од училиштето поради „циганските деца“. Наставничката (Анкица) секогаш ги става македонските дечиња напред, а ромските дечиња позади и ги учи родителите да ги префрлуваат децата во други училници, за да остане цел клас само со ромски ученици“, изјави Емилија Исаинова за Радио Кочани, а потоа и за ромската политичка партија АВАЈА“, пишува Дехран Муратов во колумната „А кој ќе одвои 5 минути да им објасни на родителите, наставниците и директорите дека нема „наши“ и „нивни“ деца (ученици)!?“.
Д.М.
