ВЕСТ НА ДЕНОТ
Класифицирани информации во иднина ќе се читаат во „глувата соба“ во Собрание, единствена во земјата
Во Собранието денеска беше пуштена во употреба заштитена соба, прва од ваков вид во Северна Македонија, дизајнирана со највисоко ниво на заштита за строго доверливи документи. Просторијата првенствено ќе ја користи Собранието и Комисиите кои работат со класифицирани информации, но во исто време таа ќе може да се отстапи за користење на останатите државни органи доколку имаат потреба за тоа и со одобрување на Собранието.
ИЗЈАВА НА ДЕНОТ
Дрекслер: Берлинскиот процес го исцрта патот кон конкретни чекори напред преку поддршка на заедничкиот акциски план за регионален пазар
Северна Македонија покажува и продолжува да покажува многу силна заложба со тоа што е земја модел со заедничкиот регионален пазар. Меѓупартиската група во Собранието е позитивен чекор што ќе го следи процесот и се надевам ќе придонесе кон подобрување на целиот политички амбиент. И мислам дека ваквите дускусии покажуваат дека постои интерес организациите на граѓанското општество, како и тие тинк тенкови да ги следат процесите и да се овозможи конкретен напредок, рече истакна германската амбасадорка во земјава Петра Дрекслер.
РЕГИОН
Уапсен поранешниот претседател на Албанија, Илир Мета
Полицијата во Албанија го уапси лидерот на Партијата на слободата, Илир Мета. Тој е под истрага на СПАК за скандалот ЧЕЗ-ДИА, лобирањето во САД и истрага за неговиот имот, но се уште не се знае за кој случај е извршена потерницата.
СВЕТ
Во САД почина Фетулах Ѓулен, најголемиот противник на Ердоган
Турскиот муслимански проповедник Фетулах Ѓулен, за кого официјална Анкара тврди дека стои зад неуспешниот пуч во 2016 година, почина на 83-годишна возраст во Соединетите Американски Држави каде што живееше во доброволен егзил, објавија денеска турските медиуми.
ГРАЃАНСКА АКЦИЈА
ПРАШАЊЕ НА ДЕНОТ: Дали и колку луѓето имаат доверба во институциите?
СЛОБОДНА ЗОНА
„Неодамна во Берлин Мицковски и неговата министерска екипа беа потсетени да се вратат на една од преземените обврски на РСМ како држава. Не може повеќе кон изградбата на меѓународните коридори што минуваат кон земјата што се смета за крстосница на регионот да се гледа од позиција на пешак или коњоводец. И кон таа проблематика кусогледо да се застапува некаков поситен од јавниот интерес“, пишува Љубомир Костовски во анализата „ПРУГАТА КОН БУГАРИЈА МОРА ДА СЕ ГРАДИ: Европа дувна во перонското свирче!“.
*
„Ова е обид за соочување со премолчаното – можноста од нова војна на европско тло, за хибридните тактики на Русија кои долго време ја загрозуваат демократијата на Западот и апетитите што веќе одамна не се тајна скриена во коридорите на Кремљ. Додека Европа ја продолжува со интензивна демократска дебата, добро координираната хибридна војна на Русија ги ослабува демократските системи, отворајќи го патот за нов глобален поредок кој ќе ги претвори човековите права и слободи во далечен спомен“, пишува Џабир Дерала ко анализата „Европа на работ: Како руската хибридна војна може да прерасне во воен конфликт со целосни размери“.
Д. Муратов
