Русија изврши напад со беспилотни летала во повеќе бранови врз Кијив, втора ноќ по ред, соопшти во неделата воената администрација на главниот град на Украина, објави Ројтерс, пренесува ЦивилМедиа.
Ноќта на 27 октомври Русија изврши напад на украинска територија користејќи ударни беспилотни летала. Нападот започна доцна на 26 октомври, со активна противвоздушна одбрана во Кијив. Во текот на ноќта повторно се слушнаа експлозии во главниот град и во регионот на Кијив, објави Полското Радио (Polskie Radio).
„Се чини дека сега секоја вечер, без долги паузи, руските вооружени сили го напаѓаат мирниот град Кијив“, соопшти Серхиј Попко, шеф на воената администрација на апликацијата за пораки Телеграм.
Претходно, во ноќта меѓу петокот и саботата, во напад на руско беспилотно летало загина тинејџерка во Кјив за време на ноќниот бараж од воздушни напади врз главниот град на Украина, кој траеше со часови, соопштија официјални лица, додека пет лица, според извештаите, загинале во ракетен напад врз централна Украина, во кој исто така беа повредени најмалку 21 лице.
Според градоначалникот на Кијив, Виталиј Кличко, беспилотното летало удрило во 25-катница во петокот вечерта на западниот дел на градот.
Веста за најновиот напад ја сподели и украинската амбасадорка Лариса Дир која на мрежата Х напиша:
Ден 977. И минатата, и оваа ноќ, рф го нападна Кијив со ударни беспилотни летала. За време на удар на руско беспилотно летало врз станбена зграда во Кијив убиена е 14-годишната Марија Тројанивска, ученичка во 9-то одделение.
Ден 977. И минатата, и оваа ноќ, рф го нападна Кијив со ударни беспилотни летала.
За време на удар на руско беспилотно летало врз станбена зграда во Кијив убиена е 14-годишната Марија Тројанивска, ученичка во 9-то одделение.
#RussiaIsATerroristState pic.twitter.com/zpvREmWZCb— Larysa Dir (@dir_larysa) October 27, 2024
