ВЕСТ НА ДЕНОТ
Пратенички прашања – СДСМ во напад, Мицкоски во одбрана
На првата седница наменета за пратенички прашања во новиот парламентарен состав, прв прашања кон премиерот Христијан Мицкоски постави лидерот на СДСМ, Венко Филипче. Tој се осврна на однесувањето на Мицкоски како премиер, наспроти неговите ставови кога беше опозиционер. Пратеникот и лидер на СДСМ го повика премиерот Мицкоски да го врати мандатот затоа што иако ветувал, сепак го користи уставното име на државата.
Мицкоски на лидерот на СДСМ, Филипче на нивното прво собраниско соочување на седница за пратенички прашања, му одговори да не се удави во длабокото и го повика на предвремени избори заедно со локалните.
Филипче го обвини Мицкоски и за политичко лицемерие и дека го враќа ВМРО-МВРО во АНБ, премиерот реплицирал дека власта на СДСМ и ДУИ со дронови го следеле.
Оливер Спасовски откако посочи дека е незадоволен од одговорот на премиерот Мицкоски, ја подели декларацијата на Мицкоски и на пратениците, којашто Сања Божиновска ја има потпишано на 21.10.2004 година, а со која изјавува дека има бугарска самосвест Мицкоски одговри дека нема да ја разреши Божиновска затоа што таа била „поголема Македонка од сите“,а министерката се правда дека има само чешко и македонско државјанство.
ИЗЈАВА НА ДЕНОТ
Писонеро: Продолжувањето на пристапниот процес за Северна Македонија зависи од уставните измени за кои земјата се обврза дека ќе ги спроведе
„Продолжувањето на пристапниот процес за Северна Македонија зависи од уставните измени за кои земјата се обврза дека ќе ги спроведе. Ги повикуваме сите политички сили заедно да го направат овој значаен чекор напред“ изјави денеска портпаролката на Европската комисија за соседска политика, проширување и меѓународни партнерства Ана Писонеро.
РЕГИОН
Мелони добила смртни закани заради договорот за мигранти со Албанија
Италијанската премиерка Џорџа Мелони изјави дека добила смртни закани од трговци со луѓе поради договорот за мигранти со Албанија. Првите смртни закани пристигнаа затоа што потпишав протокол за соработка со Албанија за имиграцијата. Ќе направам се оваа соработка да донесе опипливи резултати, рече Мелони.
СВЕТ
Маск повикан во суд поради делењето пари преку лотарија на гласачите на изборите во САД
Судија во Филаделфија му нареди на милијардерот Илон Маск да се појави пред суд на сослушување во врска со делењето по еден милион евра на регистрираните гласачи во таканаречените колебливи држави на САД. Обвинителите од Филаделфија се изјаснија против иницијативата на Маск да подарува милиони преку лотарија, по што беше поднесена тужба.
ПРАШАЊЕ НА ДЕНОТ: Колку сте задоволни од владината мерка со која беа ограничени цените на основните производи?
Подготви: Б. Ј.
