На Меѓународниот ден за толеранција, ЦИВИЛ ги повикува државата, институциите, граѓанското општество и медиумите активно да придонесуваат кон градење на културата на дијалогот, мирот и ненасилството, да ги прифатат и уважуваат различностите како богатство, и максимално да ги почитуваат универзалните човекови права и слободи. Државите, политичките и други центри на моќ, кои ги кршат човековите права, спроведуваат насилство и водат војни треба да се сопрат и да се соочат со одговорност за сторените злосторства.
Толеранција значи почит за богатата разновидност на културите на нашиот свет, различните форми на изразување и начини да се биде човек. Дел од принципите на толеранцијата е и признавање на универзалните човекови права и слободи.
Сите актери во општеството и во државата (членка на ОН) имаат обврска да покажат максимална волја и да преземат конкретни акции за обединување на различностите независно од етничките, верските и расните разлики, политичките убедувања, социјалната положба и сексуалната ориентација.
Во 1996 година, Генералното собрание на ОН ја усвои Резолуцијата 51/95 со која 16 ноември се прогласува за Меѓународен ден за толеранција.
Оваа резолуција уследи по усвојувањето на Декларацијата за принципите на толеранцијата од страна на земјите-членки на УНЕСКО на 16 ноември 1995 година.
Меѓу другото, Декларацијата потврдува дека толеранцијата не е ниту попустливост, ниту рамнодушност.
Толеранција значи почит за богатата разновидност на културите на нашиот свет, различните форми на изразување и начини да се биде човек. Дел од принципите на толеранцијата е и признавање на универзалните човекови права и слободи.
ЦИВИЛ ги повикува сите граѓанки и граѓани да ги негуваат солидарноста, взаемното разбирање и да ги почитуваат различностите во секојдневната комуникација и во воспитувањето на младите генерации.
Институциите во една држава-членка на ОН имаат обврска да ги промовираат и почитуваат принципите на толеранцијата и да ги соопштуваат резултатите од своите политики и практики предвидени со Декларацијата за принципите на толеранцијата и Резолуцијата 51/95.
По повод Меѓународниот ден за толеранција, ЦИВИЛ уште еднаш ги повикува меѓународните институции и организации, да стават крај на насилствата и војните со воспоставување праведен мир, со спроведување на меѓународното право во целост. Државите што спроведуваат агресија и воени злосторства треба да се соочат со полната сила на меѓународната правда, а не да ги узурпираат и да уживаат во привилегиите на меѓународните организации, како што тоа го прави Руската Федерација и други држави во светот.
Институциите во една држава членка на ОН имаат обврска да ги промовираат принципите на толеранцијата и да ги соопштуваат резултатите од своите политики и практики предвидени со Декларацијата за принципите на толеранцијата и Резолуцијата 51/95.
Медиумската платформа на ЦИВИЛ е простор за изразување на слободната мисла, независно од каква било општествена или политичка ориентација или било каква припадност. Социјалните мрежи се јавен простор на кој граѓанките и граѓаните можат слободно да си ги искажат своите ставови околу одредена тема што е објавена на медиумските платформи на ЦИВИЛ. Но кога тоа се прави без основно почитување на различното мислење, со навреди, говор на омраза, клевети и нетолеранција кон различното, тоа е надвор од секаква конструктивна дебата и достоинствен дијалог.
ЦИВИЛ ги почитува, застапува и промовира универзалните човекови права и слободи, а со тоа и принципите наведени во Декларацијата за толеранција, од самото основање пред 25 години.
ЦИВИЛ
