ВЕСТ НА ДЕНОТ
Осум лица осомничени за злоупотреби во ТИРЗ
Основното јавно обвинителство Скопје постапувајќи по пријава од Управата за финансиска полиција, оформи предмет и поведе постапка против осум лица поради основано сомнение за злоупотреба на службената положба и овластување. Првоосомничен во предметот е поранешниот директор на ТИРЗ, Јован Деспотовски…
ИЗЈАВА НА ДЕНОТ
Од успехот на новогодишната кошница ќе зависат Велигденската и Рамазанската кошница, најави Дурмиши
-До 15 јануари, до кога трае Новогодишната кошница, ќе се знае дали ги постигнала очекуваните резултати или не. Оваа кошница ја направивме со акција, односно самите чинители одлучија да ги намалат цените на производите кои најмногу им се трошат за новогодишните празници, а ние само ги поддржавме. Доколку се покаже дека не ги исполнила очекувањата следните две кошници ќе ги донесеме со одлуки за замрзнување на цените, изјави денеска министерот за економија и труд Бесар Дурмиши..
РЕГИОН
Владата на Бугарија го одобри нацрт-договорот со Северна Македонија за изградба и работа на прекуграничниот железнички тунел „Деве Баир“, ќе се формира мешовит комитет и ќе се разговара со макеоднската страна за текстот на договорот, соопшти денеска прес-службата на Советот на министри.
СВЕТ
Џими Картер, решителен, но скромен гувернер од југот на САД, кој во 1976 година стана претседател, почина во неделата во својот дом во Плејнс, Џорџија, на возраст од 100 години. Тој беше најстариот жив поранешен претседател на САД во историјата. Неговата смрт ја потврди неговиот син, Џејмс Е. „Чип“ Картер III.
Избор на фотографија за честитката е протест во Тбилиси на 28 октомври годинава, по украдените избори со кои прорускиот грузиски режим се обидува да ја задржи власта по пат на брутална пресметка меѓу полицијата и демонстрантите. Фотографијата е од Јелгер Гроневелд CC BY 2.0.
ДЕМОКРАТИЈА
Роџер Касале – Нов европски народен форум, на панелот „Подемот на крајно десничарскиот национализам“, на Конференцијата „Одбрана на демократијата и човековите права“, 12 декември 2024 година, Скопје.
Национализмот и авторитаризмот маршираат по истиот пат рамо до рамо, и тоа е патот до војната. Затоа треба да размислиме за тоа. Не само оваа недела, неделата за човекови права, туку во секое време. И како Европеец, знам дека Европа е мировен проект, но не сум доволно возрасен за да го имам тоа искуство од војната, но имав директно искуство со уривањето на Берлинскиот ѕид, во 1989 година, всушност живеев во Берлин во тоа време. И знам дека не е наивно да се верува дека се можни големи промени и дека може да дојдат големи промени, вели Роџер Касале.
ФОТО НА ДЕНОТ
СЛОБОДНА ЗОНА
♦Не честитам Нова година зашто се сомневам дека тие на кои ќе им ја испорачам честитката ќе имаат среќа од неа. Си ја задржувам својата „среќа“ за да не им ја намалам нивната. Ако можам да избирам јас би останал во оваа година и би чекал гаранции дека во идната ќе биде прифатена и мојата естетика, пишува Војо Маневски во колумната „За честитката и новите години“.
♦Можен е, наскоро, нов бунт на студентите кај нас заради автобуските билети што како проблем ги донесе министерката за образование Јаневска и елитата која ја претставува. Тие незадоволства би биле насочени кон шалтерите каде се продолжува важењето на билетите. Има голема разлика од она што се случува како вистинска битка со елитата на автократот Вучиќ во Белград, пишува Љубомир Костовски во анализата „ (НЕ)НАУЧЕНИ ИСТОРИСКИ ЛЕКЦИИ: Македонските студенти може да се испровоцираат, но без амбиции за промени“
♦Во време кога глобалниот поредок се распаѓа, а светот е на работ на уништувањето, човештвото се наоѓа пред критичен избор: да се соочи со разорните последици на деструкцијата и рамнодушноста или да продолжи да ги игнорира заканите против опстанокот на цивилизацијата. Клучното прашање сега е: Дали светот има сила и волја да се издигне над хаосот и да ја обнови демократијата и правдата или ќе продолжи да пропаѓа?, анализира Џабир Дерала во колумната „Човештвото пред избор: Соочување со деструкцијата и рамнодушноста или уништување на цивилизацијата“.
♦Зошто се потребни вакви прашања околу моралната етика на членката на Антикорупсциск, истовремено и член на наставниот кадар и управниот одбор на Факултетот за туризам – Универзитет „Скопје“ кој ја издал спорната диплома на директорот на АНБ, и асистентка на деканот кој е потписник на истата диплома? Зошто непотребни прашања, кога одговорот е јасен, пишува во брзата пошта што ја испрати Драган Мишев со наслов „Што се однесува до моралот, Цвета Ристовска едноставно – морала“.
Д. Мишев
