По падот на Авганистан во рацете на талибанците во 2021 година, стотици илјади бегалци избегаа преку границата во соседен Пакистан, барајќи безбедност подалеку од радикалната исламистичка група.
Авганистанските државјани кои работеле со силите на Соединетите Американски Држави или НАТО особено се плашеа од одмазда од талибанците. Поради ветено преселување во САД, многумина отпатуваа во Пакистан за да чекаат американски визи., објави Си-ен-ен, пренесува ЦИВИЛ Медиа.
Сега тие се плашат дека ќе бидат депортирани назад во Авганистан, по наредбата на американскиот претседател Доналд Трамп да ја суспендира американската програма за прием на бегалци (USRAP), ефективно затворајќи ги бегалците ширум светот кои биле на пат кон преселување во САД.
Набргу по потпишувањето на извршната наредба, Кабинетот на пакистанскиот премиер подготви план за репатријација во три фази за „авганистанските државјани кои се наменети за преселување во трета земја“.
Документот, кој го виде CNN, повикува странските мисии да го координираат преместувањето на авганистанските државјани надвор од главниот град Исламабад и неговиот збратимен гарнизонски град Равалпинди до 31 март 2025 година. Доколку не бидат отстранети до тој датум, тие ќе бидат „вратени во Авганистан“.
Подготви: Д. Мишев
