Маск изрази поддршка на својата социјална платформа X (поранешен Твитер) во саботата вечерта, кога одговори „Се согласувам“ на објавата во која се вели: „Време е да ги напуштиме НАТО и ОН“, објави UK defebce journal пренесува ЦИВИЛ Медиа.
Неговото одобрување се усогласува со растечките повици од некои републикански пратеници, вклучително и сенаторот Мајк Ли, да ја преиспитаат посветеноста на САД кон алијансата.
Ли, долгогодишен критичар на НАТО, го опиша како „остаток од Студената војна“ и тврди дека алијансата „мора да запре“. Тој тврди дека НАТО е „одлична зделка за Европа“, но „суров договор за Америка“, што сугерира дека американските ресурси се протегаат за да се заштити Европа, а притоа нуди мала директна корист за американската безбедност.
Коментарите на Маск доаѓаат во време на пошироки дискусии во администрацијата на Трамп за иднината на улогата на Америка во НАТО и меѓународните сојузи.
Иако Трамп не ја изјави експлицитно својата намера да се повлече од НАТО, тој постојано ги притиска европските нации да ги зголемат трошоците за одбрана, предупредувајќи дека САД не треба сами да го носат финансискиот товар на Алијансата.
Како клучна фигура во администрацијата, влијанието на Маск врз политичките одлуки на Трамп е значајно.
Неговото одобрување за повлекување од НАТО може да сигнализира растечки моментум во Белата куќа за промена кон поизолационистичка надворешна политика, фокусирана на домашните одбранбени приоритети пред меѓународните обврски.
Со оглед на тоа што војната во Украина трае и НАТО игра клучна улога во снабдувањето со воена помош, секое повлекување на САД драстично ќе го преобликува глобалниот безбедносен пејзаж. Европските лидери веќе изразија загриженост за ставот на Трамп кон НАТО, особено додека Алијансата работи на спротивставување на руската агресија и одржување на стабилноста во Источна Европа.
И покрај повиците на Маск и Ли за повлекување, Трамп,барем за сега, продолжува да се ангажира со лидерите на НАТО, а неодамна во Вашингтон беше домаќин на премиерот на Обединетото Кралство, Кир Стармер за дискусии за европската безбедност. Сепак, со притисокот на администрацијата на Трамп за големи промени во надворешната политика на САД, идната улога на НАТО во американската одбранбена стратегија останува неизвесна.
Последен пат кога некоја земја се повлекла од членство во меѓубародна организација како ОН, беше во октомври 1933 година, околу девет месеци откако Адолф Хитлер беше назначен за канцелар на Германија, германската влада го објави своето повлекување од тогашната Лига на народите (претходник на денешните ООН). Наводната причина беше одбивањето на западните сили да се помират со барањата на Германија за воен паритет.
Драган Мишев
