„Не се работи само за големата слика за нас кои добиваме информации од фронтот за тоа што се случува во Украина, луѓето кои живеат во Украина треба да имаат валидни информации за секојдневниот живот, што се случува, и ова е исто толку клучно како храна, како електрична енергија, информацијата е исто толку важна“, изјави Мика Бојстер, претседателот на Германскиот сојуз на новинари, на третиот панел од меѓународната конференција „Украина и светот: Отпор против агресијата, победа над авторитаризмот“, насловен „Дезинформациите како оружје: Спротивставување на дезинформациите и хибридното војување“.
„Видовме без преседан количество на лажни вести, дезинформации и пропаганда од Русија која влијаела или претставува закана да влијаат на изборите во Германија и ова е јавно знаење, што не само што германските безбедносни сили предупредија месеци пред изборите, туку и новинарите го открија во добри истражувања и тоа е широко публикувано, токму кои групи се во прашање, со силни врски со групите на руската воена разузнавачка служба.
Можете да ги именувате групите кои се обидуваат да влијаат на изборите со помош на длабоки фалсификати, вештачка интелигенција – најдобра пракса од кампањата во САД на претседателските избори, всушност тоа беше операција за копирање и вметнување на се што тие го направиле во кампањата на Трамп, истото го направија и во Германија и да се претпостави – успеа на многу нивоа.
Големата слика е дека оваа кампања за дезинформации беше успешна затоа што беше толку многу, таа беше преоптоварувачка и ние новинарите, чијашто работа е да ги идентификуваме дезинформациите и да ја едуцираме јавноста, едноставно бевме преоптоварени од самата маса на обиди да не направат нас несигурни за тоа што е факт, а што е фикција и ова ја прави работата на новинарите многу потешка, и губиме поглед на големата слика.
Мислам дека ние како новинари треба да се фокусираме повеќе на темите кои се релевантни за мнозинството во општеството, да ја поставиме агендата назад на тие теми, се разбира дека треба да зборуваме за миграцијата и како да ја управуваме, тоа е многу важна тема, но не е единствената тема и не е единствената која треба да се адресира. Треба да зборуваме за климатската криза и како тоа ќе не погоди сите нас и се разбира како е поврзано со миграцијата, и еден последен аспект е што многу зборувавме за безбедноста пред агресијата на Русија кон Европа и не само кон Украина. Мислам дека сите се согласуваме дека Украина е само еден дел од руската агресија која е насочена кон цела Европа, кон целиот Запад. Можеме да го ставиме Западот како шаблон тука за сите општества кои се демократски, слободни и сакаат да одлучуваат за својата судбина во свои услови.
Затоа треба да зборуваме за целосна безбедност. Треба, се разбира, да се адресираат воените аспекти, ова е посебна тема, но треба да се адресира дека отпорното општество не е она што само знае како да се брани воено, туку исто така има и дигитална сувереност. Треба да ја повратиме нашата сувереност над информациската инфраструктура.
Затоа треба да имаме платформа, дигитална платформа, европска социјална мрежа која ќе биде според нашите услови, така што ќе бидеме независни од социјалните мрежи во Силиконската долина или во Пекинг. Треба да имаме построги закони во Европската Унија кои ќе се спроведуваат против секого кој се обидува да нè принуди под наши услови. Затоа ни треба дигитална сувереност во Европа.
Ова е единствениот начин да ја обезбедиме инфраструктурата, да ја пренесеме нашата информација, така што, вие како платформа, како и сите други кои имаат медиумски платформи во Европа, ќе имаат свои средства за да ја пренесат таа информација независно од било која национална влада.
Бранувањето на Украина со топови и војници е исто толку важно како и да ја браниме Европа на информацискиот фронт. Треба да имаме наша инфраструктура и да ги спроведеме нашите закони за да ги одбраниме нашите вредности“; изјави Бојстер.
Б. Ј.
