Убиен е Агим Мухареми, припадник на АРМ, во скопско Батинци додека користел слободен ден.
„Денеска (11.07.2025) околу 10:15 часот во СВР Скопје, М.Е. пријавил дека на влезот на с.Батинци, скопско, М.Џ. пукал со огнено оружје кон патничко возило „Киа“ кое било во движење. А.М.(50) се здобил со прострелни рани во пределот на градниот кош и бил пренесен во ГОБ„Св Наум Охридски“ за укажување на лекарска помош, каде во 11.00 часот од страна на доктор била констатирана смрт“, велат од МВР за ЦИВИЛ Медиа.
Не добивме одговор дали убиецот е приведен.
Од министерсво за одбрана порврдуваат дека лицето со иницијали А.М. од скопското село Батинци, кое по трагичниот настан денеска им подлегнал на повредите, беше припадник на Армијата.
„Изразуваме длабока жалост до семејството на починатиот. За време на трагичниот настан лицето не било на служба во Армијата, односно било на користење слободен ден. На лице место е излезен јавен обвинител, органи на МВР и дежурна служба на Воената полиција“, велат од таму.
На фејсбук групата с. Батинци објавија дека почина Агим Мухареми.
Д.М.
