ВЕСТ НА ДЕНОТ
Започна дводневната обука на кандидатите кои се јавија на владиниот јавен повик за превенција на пожари. Како што информираше директорот на Дирекцијата за заштита и спасување Стојанче Ангелов веќе во текот на наредната недела дел од нив ќе бидат вклучени во гаснењето на пожарите со помал ризик ширум земјава.
Ангелов соопшти дека обуката ја започнале вкупно 364 кандидати во 13 градови во државата, со што се очекува пополнување на места во 28 општини.
Од 50 пријавени кандидати во Скопје, Ангелов истакна дека денешната обука ја започнале 34 лица, додека останатите, како што рече, отпаднале во административната селекција поради неуредна или неправилна документација.
ИЗЈАВА НА ДЕНОТ
„Мора да ѝ се спротивставиме на навивачката омраза, да го култивираме и да го облагородиме навивањето, да учиме и да научиме како се навива, односно како не се навива, да ја засилиме битката против предрасудите и судири меѓу ‘различните’, мора да се запознаеме и познаваме, мора да спречиме излив на омраза, да реагираме навреме, да лечиме дела од омраза, да ја санкционираме!“, вели претседателката, додавајќи оти страсното навивање никогаш не е навредливо и агресивно.
РЕГИОН
Хрватска ја одбележува годишнината од операцијата „Бура“ како Ден на победата и татковинската благодарност и Ден на хрватските ветерани, во спомен на 5 август 1995 година, кога хрватските сили влегоа во речиси празниот Книн и го кренаа хрватското знаме на книнската тврдина.
СВЕТ
Нетанјаху ќе побара „целосно освојување“ на Газа, преговорите за прекин на огнот стигнаа до ќорсокак
Преговорите за договор за заложници и прекин на огнот во Газа се чини дека се во ќорсокак, при што израелскиот премиер Бенјамин Нетанјаху се наклонува кон проширување на воените операции, а Хамас бара да се реши хуманитарната ситуација пред да се врати на разговорите.
ФОРУМ
ПРАШАЊЕ НА ДЕНОТ: Какви казни треба да се применат за навивачите што скандираат говор на омраза?
СЛОБОДНА ЗОНА
„Ова многу ми наликува на онаа народната: Од дрвото не ја гледа шумата.
На натпреварот на 2 август, додека младите кошаркари гинеа на теренот, на трибината токму од спротива на Мицкоски, поголема толпа навивачи, накитена со познатата „Вергина“ иконографија, својствена токму за поддржувачите на премиерот и партијата на власт, истакнаа транспарент“ За да постои македонскиот народ, не му треба ваша дозвола“?!“, пишува Драган Мишев во колумната „Мицкоски од дрвото не може да ја види шумата“.
*
„Затоа, пораката од Куманово не смее да се повтори ниту на трибини, ниту на улици, ниту било кое друго место во татковината. Омразата што се слушна таму е само ехо на она што премногу долго се премолчува во политиката.
Секој следен натпревар без разлика кој игра, дали национална репрезентација или клуб, каде се одржува и која е публиката, мора да биде простор исполнет со спортски дух, а не симболична арена за навреди и поделби“, пишува Фатмир Битиќи во колумната „Трибините – огледало на политиката“.
Д. Муратов
