Повеќе од 630 лекари во Србија вчера, во отворено писмо, оценуваат дека ако државата ги злоупотребува и апси оние кои се грижат за повредените, таа ја злоупотребува и апси „самата идеја за несебично дејствување и значењето на меѓучовечкото разбирање“.
Во отворено писмо, што го објави порталот Н1, лекарите наведоа дека кога полицијата извршила „демонстрација на сила“ на протестот на 5 септември во Нови Сад, меѓу приведените граѓани бил и лекар – член на тимот за прва помош, кој бил јасно и видливо обележан во моментот кога пружил прва помош.
„Друг колега претрпел повреди откако бил удрен со палка. Еден дел од медицинскиот тим бил заробен со часови во зградата на Ректоратот под полициска опсада. Легитимни, изолирани, без можност да им помогнат на повредените граѓани, се чувствувале како заложници, а не како лекари“, нагласуваат лекарите кои го потпишаа писмото.
Во тој момент, како што е наведено, „репресијата зачекори во срцето на здравствениот систем, уривајќи ја границата на цивилизацијата кон варварство“ – конвенциите беа прегазени, „аманетот на предците беше обесчестен, и осрамотенo наследството на идните генерации“.
„Како лекари, сведоци на насилство, ние зборуваме на јазикот на професијата и совеста: Општество кое ја нормализира дехуманизацијата страда од губење на емпатијата. Наредбите што ја бришат личната одговорност создаваат механизам на злото идентичен со оној на војните и диктатурите. Униформа без човечност наместо штит станува алатка за насилство. Ние не се согласуваме со такви услови“.
Здравјето на заедницата, според нив, не се мери според бројот на болници или километри изградени патишта, туку според тоа дали достоинството и правдата се третираат како луѓе што треба да се заштитат, а не како непријатели што треба да се избришат од лицето на земјата.
Лекарите изјавија дека нивниот професионален интегритет не им дозволува да молчат и дека молчењето пред ова насилство би било „ништо друго освен соучество и понижување на академскиот идентитет“.
„Затоа бараме и јасно велиме: Стоп на репресијата и насилството врз граѓаните. Ние сме лекари, но пред се сме луѓе кои одбиваат понизно да ги спуштат главите. Нашата заклетва нè обврзува да кажеме: не, не на насилството, не на дехуманизацијата, не на општеството во кое децата се борат, а заедно со нас, тие се апсат“, се наведува во изјавата на лекарите, кои рекоа дека нема да се повлечат.
„Зад овие зборови стоиме со име и презиме. И нема да се повлечеме“./ МИА
