На луѓето не им е до знамиња. А и голем број жители на Скопје се заминати од градот. Сепак, некои забележаа дека нема знамиња на овој голем празник, Меѓународен ден на трудот – Први Мај.
Еве зошто.
Во Северна Македонија постои законска разлика меѓу државни празници и празници на Републиката, што директно влијае на тоа дали се истакнуваат државни знамиња на улиците.
За државни празници, знамињата задолжително се истакнуваат пред државните институции и низ главните сообраќајници. Според Законот за празниците, како такви се сметаат:
- 24 Мај – Св. Кирил и Методиј
- 2 Август – Ден на Републиката (Илинден)
- 8 Септември – Ден на независноста
- 11 Октомври – Ден на народното востание
- 23 Октомври – Ден на македонската револуционерна борба
- 8 Декември – Св. Климент Охридски
Иако е неработен ден за сите граѓани, Први Мај не е класифициран како „државен празник“, туку како „празник на Републиката“. Поради ова, локалните власти (како Град Скопје) обично не поставуваат знамиња по должината на улиците и булеварите за овој празник.
Сепак, во периодот 2017–2021, кога градоначалник е Петре Шилегов, знамињата беа истакнувани почесто, па така и на Први Мај, затоа што во тој период локалната власт одлучи да го третира како празник со повисок ранг.
Затоа, во 2023 година, Град Скопје, кога градоначалничка е Данела Арсовска, официјално потврди дека не постави знамиња на булеварите бидејќи Први Мај не е дефиниран како „државен празник“ според Законот за празници, туку како „празник на Републиката“. Оваа одлука предизвика реакции во јавноста, но властите останаа на одлуката, повикувајќи се на законот и Програмата на Градот.
Главната причина за дебатите во изминатите години е Законот за празниците од 2007 година, кога на власт е Никола Груевски. Според тој закон, само за шест специфични датуми е задолжително свечено украсување на градовите, вклучително и новиот државен празник, Ден на македонската револуционерна борба, кој е попознат како „ден на ВМРО“, воведен истата, 2007 година. Статусот на Денот на трудот (1 Мај) иако е неработен за сите, го изгуби статусот на државен празник.
Тоа не значи дека градските власти не можат да донесат решение да го одбележат посвечено.
ЦМ Деск
