Од ССМ посочуваат дека доколку во пресметката се вклучи и трошок за изнајмување стан од 60 квадратни метри, тогаш вредноста на синдикалната минимална кошничка достигнува 84.117 денари.
Најголем дел од месечните трошоци и натаму се однесуваат на храна и пијалаци, за што во мај биле потребни 25.475 денари. За образование биле потребни 7.192 денари, за облека и обувки 6.334 денари, додека за станарина, вода, електрична енергија и греење биле издвоени 6.338 денари. Трошоците за транспорт достигнале 5.041 денари.
Податоците на ССМ покажуваат дека и покрај благо намалување во однос на април, трошоците за живот остануваат на високо ниво. Во април синдикалната минимална кошничка изнесуваше 68.797 денари, што беше раст од 979 денари во однос на март.
Синдикалната минимална кошничка претставува проценка на минималните месечни трошоци потребни за четиричлено домаќинство и опфаќа категории како храна, домување, транспорт, хигиена, образование, здравје и други основни потреби.
ЦИВИЛ Медиа Деск
