Претседателот на Украина Володимир Зеленски на Самитот Украина–НБ8 ги истакна трите клучни приоритети за понатамошната соработка меѓу Украина и нордиско-балтичките партнери, нагласувајќи дека Европа мора да дејствува заеднички и решително во услови на продолжената руска агресија.
Украинската амбасадорка во Северна Македонија, Лариса Дир, објави:
„За време на Самитот Украина – НБ8, Претседателот на Украина, Володимир Зеленски, ги истакна трите клучни приоритети на соработката. Важно е и натамошното зајакнување на санкциите против рф. рф мора да ја заврши својата војна, а само притисокот може да ја присили да го направи тоа.“
За време на Самитот Украина – NB8, Претседателот на 🇺🇦, Володимир Зеленски, ги истакна трите клучни приоритети на соработката. Важно е и натамошното зајакнување на санкциите против рф. рф мора да ја заврши својата војна, а само притисокот може да ја присили да го направи тоа. pic.twitter.com/Ycxr8LnbBv
— Larysa Dir (@dir_larysa) June 10, 2026
Во објавата, амбасадорката го цитира претседателот Зеленски, кој порача:
„Европа е најсилна кога Европејците дејствуваат заедно, а не одделно. Токму тоа го постигнуваме преку сите наши формати на соработка. Постојат три клучни приоритети.“
Според претседателот на Украина, првиот приоритет е:
„Првиот е да ја направиме дипломатијата поактивна.“
Вториот приоритет, според Зеленски, е дополнително зајакнување на противвоздушната одбрана и европската безбедносна соработка:
„Вториот е да ја обезбедиме Украина со средства за противвоздушна одбрана и да ја зајакнеме нашата соработка за Европа да стане посилна, вклучително и преку програмата PURL.“
Третиот приоритет се однесува на евроинтегративниот процес на Украина:
„И третиот. Подготовка за важни средби на ниво на Европската Унија. Време е да се отворат сите кластери. Сѐ е подготвено и нема ниту една причина за одложување.“
Форматот НБ8. ги обединува нордиските и балтичките држави – Данска, Шведска, Норвешка, Финска,, Исланд, Естонија, Латвија и Литванија.
Овие земји важат за едни од најсилните поддржувачи на Украина во Европа, особено во сферата на воената помош, противвоздушната одбрана, санкциите против Русија и енергетската безбедност.
Изјавите од самитот доаѓаат во период на засилени руски воздушни напади врз украинските градови и континуирани дипломатски тензии околу санкциите, безбедносната поддршка и европската интеграција на Украина.
Украинските лидери континуирано нагласуваат дека санкциите и меѓународниот притисок остануваат клучни механизми за ограничување на руските воени капацитети и притисок врз Кремљ да се согласи со постигнување „праведен и траен мир“.
Џ. Д.
