Љубомир Костовски
ВМРО-ДПМНЕ преку промените на Законот за избори настојува, меѓу другото, да добие гласови од дијаспората на сметка на оние 160 илјади свои гласачи кои ги изгубија, како што се покажа на последните локални избори!
И досега таа партија најлесно успеваше со своите националистички приказни онаму каде што гласачите не зависат од решението на македонските избори! И досега, преку ДКП-ата, успеваше токму оваа партија да добие три гласа во Собранието, иако, видливо интересот за гласање беше практично никаков.
Класична манипулација, која сега преку Интернет ќе биде уште поголема.
Го слушам во моментов еден од оние кои работеле на измените на Изборниот закон (Александар Новакоски) кој кажува дека и најразвиените земји, со двовековна традиција во парламентарни избори, кои го вовеле овој тип на изјаснување – електронско гласање – се откажале по првата проба од него. Беа споменати повеќе држави освен Германија!
Јасно е дека ова мора да помине и дека на партиите од опозицијата ќе им се нудат „лижавчиња“ во таа насока.
Да не говориме дека кај нас не постои некој кој би можел да организира такво гласање. Новакоски вели дека со секоја измена на тој закон се додаваат нови и нови обврски за ДИК, ама таму стручното ниво е многу далеку од тоа да биде адекватно на задачите.
Колку поголема стручна празнина, толку повеќе простор за шашми од страна на партијата која е махер за изборни нерегуларности!
Во ера на дезинформации, националистички популизам и авторитаризам, неопходна е вашата поддршка за ЦИВИЛ
Поддржете ги независните медиумски платформи на ЦИВИЛ во борбата против дезинформациите, национализмот, хибридните закани и авторитаризмот
Дајте го својот придонес СЕГА
