РЕДАКЦИСКИ КОМЕНТАР | ЦИВИЛ МЕДИА
Додека украинските цивили се под деноноќен руски терор, американскиот претседател Доналд Трамп му отвора нови извори на приходи на Владимир Путин. Договорот за рускиот дизел, цинично претставен како економска мерка за намалување на цените на горивата, дополнително ги компромитира и онака несериозните американски мировни иницијативи. Вашингтон зборува за мир, а истовремено му отвора нови економски можности на агресорот и индиректно ја финансира бруталната, геноцидна војна против Украина.
Под лошиот изговор дека се грижи за домашната економија, Трамп на 9 октомври објави договор со Путин за испорака на милиони тони руски дизел на американскиот и глобалниот пазар. Во објавата на Truth Social, најави испорака на повеќе од 300.000 тони веднаш, дополнителни 500.000 во ноември, еден милион потоа и уште три милиони тони во краток рок. Американското Министерство за финансии истиот ден издаде лиценца со која се дозволуваат трансакции поврзани со рускиот дизел до април 2027 година.
Ова не е обична трговска зделка. Ова е срамна политичка одлука што му отвора дополнителни финансиски можности на режимот да ја води агресијата врз Украина. Воедно, таа е директен удар врз меѓународниот санкциски притисок, чија цел е да ја ограничи способноста на Москва да ја финансира војната.
Самата најава за рускиот дизел е скандалозна. Но јавната благодарност на Трамп до Путин ѝ дава на целата зделка дополнителна политичка тежина. Додека украинските цивили живеат под смртна закана од руските ракети и дронови, американскиот претседател го претставува човекот одговорен за агресијата како пожелен економски партнер.
Русија не е обичен добавувач на гориво. Приходите од енергенсите се еден од изворите што ја одржуваат руската воена машинерија. Секое олеснување на тој финансиски притисок, без запирање на агресијата, носи политичка и морална одговорност.
Цинизмот е уште поголем бидејќи договорот беше објавен токму кога украински и европски претставници разговараа со американските посредници Стив Виткоф и Џаред Кушнер во Мајами. Додека Украина бара пат кон мир, Белата куќа склучува договор што економски ѝ оди во прилог на Москва.
ПОДДРШКА ЗА ЦИВИЛ. ДОНИРАЈТЕ ДЕНЕСКА.
Мировни разговори во Мајами како параван за економско олеснување за Кремљ
Украинскиот претседател Володимир Зеленски ја нарече зделката „слаба одлука од силни партнери“ и предупреди дека дозволувањето Русија да продава нафтени деривати е „инвестиција во војна што мора да заврши, а не да се продолжува“.
Зеленски обвини дека украинската делегација практично била искористена како параван за договорот, додека преговарала со Вашингтон за дипломатско решение.
Peace never comes through weakness. Today, representatives of the U.S. Congress were in Kyiv – a bipartisan delegation – and I am grateful to them for visiting Ukraine at such a difficult time. They asked: what is needed to end the war? The answer must be strong. There must be sanctions under the Lindsey Graham bill, there must be support for Ukraine in protecting lives, and there must be pressure on Russia for its war. And today, there was a conversation between the leaders of America and Russia. A conversation that leads to something different.
Recently, there was a European decision to lift sanctions on Russian oligarchs. Since then, Russian strikes and the torment of people have only increased. This past week alone, there was a brutal Russian missile strike on a residential building in Pryluky, aerial bombs were dropped on Kramatorsk – on ordinary city buses – and there have been constant attacks on Kyiv’s energy infrastructure and on the life-sustaining infrastructure in Dnipro, Kharkiv, Odesa, and our other cities. Dozens of people have been killed and hundreds wounded.
The Russians are compensating for their inability to achieve their objectives on the battlefield with this kind of terror. This year, Russia is weaker on the battlefield than at any other point in the war. That is why Putin is relying on terror. That is why he is relying on attempts to strike backroom deals to secure some form of pressure relief for Russia, in order to buy more time and more opportunities for war.
Any easing of sanctions against Russia without a clear and lasting de-escalation agreement with Russia is an obvious weakness. It plays into Russia’s hands – allowing it to kill more, wage war for longer, have even less respect for America, and inflict even greater losses and damage on the world.
Ukraine is ready to take symmetrical de-escalatory steps, and the American team knows our position. Our strikes on Russian oil refineries and other oil facilities are a response to Russia’s years-long campaign of terror against Ukraine’s energy sector. Ukraine will not set Russian oil refineries on fire if Russia does not destroy our energy infrastructure. This is the kind of agreement we are proposing to America, and we believe the United States has enough power to achieve such a compromise.
Gifts to Putin will not bring peace or any benefit to the civilized world. Russia will “repay” the diesel with further terror and perfidy. Allowing Russia to sell petroleum products is an investment in a war that must be ended, not prolonged. What is needed is real de-escalation with Russia on a reciprocal basis.
We count on America’s fair support for our defense of life, for our defense of people in Ukraine – and on the United States having a correspondingly strong conversation with Russia. A strong one, not a weak one.
— Volodymyr Zelenskyy / Володимир Зеленський (@ZelenskyyUa) October 9, 2026
Не може Украина да биде повикувана на воздржаност, додека на Русија ѝ се отвораат нови можности за приходи, без никаква гаранција дека ќе престане со уништувањето на украинските градови.
Зеленски предложи јасен принцип на реципроцитет: Украина да се воздржи од напади врз руските рафинерии доколку Русија престане да ја уништува украинската енергетска инфраструктура. Тоа е конкретна основа за проверлива деескалација. Договорот на Трамп со Путин тоа не е.
Скапиот политички подарок со неизвесен економски ефект
Белата куќа ја оправдува одлуката со високите цени на горивата и нарушувањата на енергетските пазари поврзани со војната со Иран – војна по избор на Трамп. Но и самата економска оправданост на договорот е под сериозен знак прашање.
Енергетскиот аналитичар Џозеф Вебстер од Атлантскиот совет предупредува дека најавените руски количества се неизвесни и недоволни суштински да го решат глобалниот недостиг од дизел. Значи, американските потрошувачи добиваат несигурно ветување за поевтино гориво, а Кремљ добива нешто многу поконкретно – можност за нови приходи и сигнал дека санкциите можат да се ублажуваат и во услови на брутална агресија и секојдневни тешки воени злосторства.
Тоа е суштината на срамната зделка. Трамп не може истовремено да се претставува како миротворец и да го олеснува економскиот притисок врз режимот што ја води војната. Не може да бара доверба од Украина, а да му нуди деловни можности на Путин. Не може да зборува за мир, додека му помага на агресорот да заработува.
Ова не е само прашање на погрешна економска проценка. Ова е прашање на политичка одговорност и морален интегритет.
Во Украина се бројат загинатите, во Вашингтон се пресметуваат цените на горивата, а во Кремљ се отвора можност за нови приходи.
И затоа, колку и да го пакува во економски ветувања, Трамп не може да ја избрише суштината на својата одлука: му подава рака на Путин – уште еднаш – додека неговите ракети продолжуваат да ја пустошат Украина.
Тоа не е пат кон мирот. Тоа е срамна зделка на сметка на жртвите на руската агресија.
Редакција ЦИВИЛ МЕДИА
ПОДДРШКА ЗА ЦИВИЛ. ДОНИРАЈТЕ ДЕНЕСКА.
Ако го цените тоа што го прави ЦИВИЛ, поддржете ја нашата работа.
Вашата поддршка ни овозможува да известуваме, да ја одржуваме платформата за демократски дијалог, да објавуваме едукативни содржини, да се бориме против лагите и да ги браниме човековите права и слободата.
Поддржете го ЦИВИЛ. Донирајте ДЕНЕСКА.
