Од Украина секој нов ден пристигнуваат вести за нови ужаси. Токму кога ќе се помисли дека не може да биде пострашно, следува нов руски напад врз цивилите. На 7 октомври, ракета погоди станбена зграда во Прилуки, додека луѓето сè уште спиеја. Следното утро, додека се утврдуваше конечниот биланс во Прилуки, руска бомба погоди автобуси со патници во Краматорск.
За семејствата на загинатите, преживеаните и спасувачите, ова се денови на незамислива болка. Хронологијата на двата напада сведочи за размерите на рускиот терор врз цивилното население на Украина.
7 октомври, утро: Ракета погоди станбена зграда во Прилуки
Рускиот напад врз Прилуки, во Чернихивската област, погоди петкатна станбена зграда. Според претседателот Володимир Зеленски, станува збор за директен погодок со крстосувачка ракета Х-101. Во првичната претседателска информација беа наведени пет загинати и 26 повредени, додека под урнатините сè уште се бараа луѓе.
Украинската амбасадорка во Северна Македонија, Лариса Дир, во објавата на X од 7 октомври предупреди дека станбената зграда била погодена додека луѓето сè уште спиеле.
Во освртот на поширокиот руски напад, Дир наведе употреба на „Циркон“, балистички ракети „Искандер“, 48 крстосувачки ракети и 130 дронови. Таа порача дека на Украина ѝ е потребна противвоздушна одбрана, а на Русија — санкции и јасен сигнал за неизбежноста на одговорноста.
7 октомври, навечер: Расте бројот на жртвите
Со расчистувањето на урнатините се откриваа размерите на трагедијата. Вечерниот извештај, украинската Државна служба за вонредни ситуации, наведе 19 загинати, меѓу нив пет деца, и 55 повредени. Спасувачите продолжија да ги пребаруваат уништените конструкции, а психолози им помагаа на преживеаните и на семејствата.
8 октомври, утро: Во Прилуки потврдени 22 загинати
По целоноќната спасувачка операција, билансот достигна 22 загинати, меѓу нив пет деца. Утринските информации наведоа 54 повредени, вклучително седум деца.
Претседателот Зеленски соопшти дека потрагата е завршена. Во операцијата учествувале повеќе од 500 припадници на итните служби, а спасени биле 15 лица, меѓу нив и петгодишно дете.
8 октомври, утро: Напад врз автобуси во Краматорск
Додека Украина ги пребројуваше жртвите во Прилуки, руска авиобомба погоди јавен превоз во Краматорск, во Донецката област.
Амбасадорката Дир во нова објава на X го пренесе првичниот биланс:
„рф продолжува да го тероризира цивилното население на 🇺🇦. Утрово рф изврши напад врз автобус во Краматорск, при што загинаа најмалку 12 лица, а уште 13 се повредени. Нападите врз цивили се составен дел од воената стратегија на рф, чија цел е да ја скрши волјата на 🇺🇦 за отпор.“
рф продолжува да го тероризира цивилното население на 🇺🇦. Утрово рф изврши напад врз автобус во Краматорск, при што загинаа најмалку 12 лица, а уште 13 се повредени. Нападите врз цивили се составен дел од воената стратегија на рф, чија цел е да ја скрши волјата на 🇺🇦 за отпор. https://t.co/8ANbqr8Yml
— Larysa Dir (@dir_larysa) October 8, 2026
Овие бројки се однесуваат на раната фаза на известувањето. Подоцна беше потврден значително поголем број жртви.
8 октомври, во текот на денот: Зеленски соопшти за 30 загинати
Во објава на X, Зеленски соопшти дека загинале 30 лица, а 18 биле повредени. Според него, руската бомба погодила два градски минибуса. Оштетени биле и станбени згради и автомобили.
„Лекарите сега се борат за животите на луѓето повредени во рускиот напад врз Краматорск“, напиша претседателот.
Тој предупреди дека бројот на загинатите може да се зголеми. Дел од жртвите сè уште не биле идентификувани поради тежината на повредите.
„Овој напад нема да остане без наш одговор. Русија се обидува да го уништи целиот живот во Донбас и неопходна е реакција од светот“, порача Зеленски, повикувајќи на решителен меѓународен одговор.
Спасувачката служба прецизираше дека 30 лица загинале во нападот врз автобусите, а уште тројца во одделен напад во Билењке, во Краматорската општина. Оттука произлегува вкупниот биланс од 33 загинати во нејзиното соопштение.
Поради опасноста од нови напади, властите наредија запирање на јавниот превоз во Краматорск и соседниот Словјанск.
Doctors are now fighting to save the lives of people injured in the Russian strike on Kramatorsk. As of now, 30 people have been confirmed killed, and sadly, that number may rise. The Russian bomb effectively hit two city minibuses. Some of those killed have still not been identified because of the severity of their injuries. My condolences to all their families and loved ones. Another 18 people were injured in the strike. Residential buildings and cars were also damaged.
This strike will not go unanswered. Russia is trying to destroy all life in Donbas, and a response from the world is a must. A forceful response – exactly as the Russians deserve for all the deaths they have brought. May all those killed rest in peace.
— Volodymyr Zelenskyy / Володимир Зеленський (@ZelenskyyUa) October 8, 2026
8 октомври, подоцна: Зеленски во Прилуки – помош за преживеаните
Зеленски и британскиот министер за надворешни работи Ед Милибанд ги посетија Прилуки и им оддадоа почит на загинатите.
Во објавата по посетата, претседателот соопшти дека се оштетени повеќе од 100 станбени објекти, како и образовни установи, градинки, продавници, претпријатија и инфраструктура неопходна за секојдневниот живот.
По разговорите со настраданите, тој наложил итна помош за луѓето што останале без сместување, нагласувајќи дека треба да добијат нови домови. Побарал и пристап до оштетените станови штом безбедносните услови го дозволат тоа, под надзор на спасувачката служба.
„Кога нашите партнери буквално стојат покрај Украинците, тоа навистина има значење“, порача Зеленски, заблагодарувајќи му се на Милибанд за поддршката.
Today, together with UK Foreign Secretary Ed Miliband, we paid tribute to those who were killed in the Russian missile strike on a residential building in Pryluky. The attack claimed 22 lives, including five children. Another 54 people were injured.
I spoke with those affected. We also received reports on the consequences of the attack. More than 100 residential buildings were damaged, as were educational institutions, kindergartens, shops, businesses, and the infrastructure that sustains normal life in the city.
We hear the people – there are issues with shelters and housing in the city. I instructed the head of the regional military administration to promptly help those who, unfortunately, have nowhere to go. And it is important that those affected ultimately receive new homes. Also, as soon as the security situation allows, residents of the destroyed building must be given access to their damaged apartments. The Head of the State Emergency Service of Ukraine must see to it.
I am grateful to Ed Miliband for coming today to support our people. When our partners are literally standing alongside Ukrainians, it truly matters. Thank you to everyone helping our people on the ground.
— Volodymyr Zelenskyy / Володимир Зеленський (@ZelenskyyUa) October 8, 2026
Појаснување: За Прилуки, во претходните извештаи се наведуваат 55 повредени, а во објавата на Зеленски од 8 октомври – 54. Во написот е употребен поновиот биланс. За Краматорск, бројката од 30 загинати се однесува на нападот врз автобусите. Тројцата загинати во Билењке се одделни жртви.
ЦМ Деск
Преглед според информациите достапни до 18 часот по средноевропско време, на 8 октомври 2026. Билансите се наведени според времето и опфатот на соопштенијата и може дополнително да се ажурираат.
