Апелациониот суд Скопје денеска на две јавни седници ќе одлучува дали „бомбите“ ќе бидат докази во предметот „ТНТ“ за уривањето на станбениот комплекс „Космос“ и во предметот „Топлик“ за случајот „Сончев град“,јавува МИА.
Во „Топлик“ осомничени се шест лица од Министерството за транспорт и врски за изградба на „Сончев град“.
Советот за оценка на обвинителен акт на Основниот суд Скопје 1 на 27 септември годинава ги одби „бомбите“ како доказ во случаите „Тендери“, „Топлик“ и „Тортура“.
Апелација вчера донесе одлука „бомбите“ да се користат како доказ во судската постапка во случајот „Тендери“, во кој е обвинета поранешната министерка за култура Елизабета Канческа Милевска за тендерот за извршување градежни работи во Музејот на ВМРО, од проектот „Скопје 2014“
Снимките од прислушуваните разговори досега се прифатени како докази и во предметот „Триста“ во кој обвинет е поранешниот помошник-министер во МВР Ѓоко Поповски и за „Насилство во Центар“ во кој обвинет е поранешниот премиер Никола Груевски.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
