Американскиот претседател Доналд Трамп ја обвини Демократската партија дека ја користи Русија како изговор за поразот на својот кандидат на претседателските избори во 2016 година.
– Од првиот ден кога дојдов на власт, сè што слушате е лажен изговор за демократите за губење на изборите, Русија, Русија и Русија, напиша Трамп на својот налог на Твитер.
Тој додаде дека, и покрај тоа, тој овозможил добри потези во економијата и дека можеби направил повеќе од кој било претседател за првите 10 месеци од неговиот мандат.
Трамп ја победи кандидатката на демократите Хилари Клинтон на претседателските избори во САД во 2016 година.
Во САД, во тек е истрага за наводната вмешаност на Русија во минатогодишните претседателски избори.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
