Специјалната јавна обвинителка Катица Јанева очекува од новиот државен јавен обвинител подобра соработка на професионално ниво со почитување на нејзината личност и нејзиниот интегритет.
– Соработката со јавниот обвинител треба да биде на професионално ниво. Да ја почитува мојата личност и мојот интегритет, а не тенденциозно и непфесионално. Тоа го доживеав и се надевам од идниот јавен обвинител дека нема да го доживеам, истакна Јанева на дебата на тема „Го следиме ли Прибе: Какво обвинителството ѝ е потребно на Македонија на патот кон ЕУ?“.
Таа побара и поголема соработка и од колегите јавни обвинители кои ги искритикува бидејќи во изминатите две години, како што рече, неколегијално се однесувале кон СЈО и не се потрудиле на ниту еден начин или дејство да ја подобрат соработката со јавното обвинителство.
Според неа СЈО треба да продолжи, да работи. – Да биде поврзано со ЈОРМ на ниво како што е обвинителството за организиран криминал и корупција. Во тој дел да се направи имплементација или автономно да делува во однос на борбата против високата корупција, која евидентно видовме дека постои во бомбите што беа објавени од оппозицијата и кои се дел од доказите во предметите што се пред кривичниот суд, рече Јанева и додаде дека тоа треба да биде предмет на дебата.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
