„Движење за промена“ е новата формација создадена како резултат на обединувањето на двете парламентарни партии – социјалистичката ПАСОК и центристичката Потами, пренесуваат грчките медиуми.
Станува збор за новоформирана централно-левичарска алијанса, предводена од лидерот на ПАСОК, Фофи Генимата. Таа беше избрана минатиот месец со висок одѕив на гласачите. Конгресот треба да го одобри името на новиот сојуз.
Освен ПАСОК и Потами во него учествуваат и други помали левичарски партии, како Демократската левица ДИМАР, која е дел од парламентарниот Демократски блок со учество и на социјалистите од ПАСОК.
Целта на алијансата е обединување на централната левица во Парламентот и промена на сегашната статус кво ситуација, доминирана од партиите СИРИЗА и Нова демократија.
Новата алијанса ќе се стреми да ги врати гласачите од владејачката радикална левица СИРИЗА.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
