Мирен протест против изградбата на рудникот Казандол, а како поддршка на граѓанките и граѓаните од југоисточниот регион денеска се одржа пред Влада со почеток во 12 часот.
Протест против рудниците на смртта денеска се одржа и во Валандово во организација на Иниџијативата „Спас за Валандово“.
Присустните граѓанки и граѓани, претставници на граѓански организации, кои иако не беа во голем број, јасно и недвомислено го изразија својот револт против рудниците и нивното штетно влијание врз природата и здравјето на луѓето.
Тие потпишаа и петиција, со конкретни барања што ќе ја достават до Владата.
Барањата се мораториум на изградбата на сите рудници, стопирање и ревизија на сите 86 доделени концесии од претходната влада, отварање на стручна дебата со надлежните министерства и поголема вклученост на граѓаните во донесувањето одлуки на локално ниво.
Протестот заврши со очекување од присутните дека ќе се делува брзо и транспарентно од институциите, сè со цел да се спречи еколошка катастрофа која би имала несогледливи последици по здравјето на луѓето и идните генерации.
Даниел Аврамов
