Поради густата магла откажани се повеќе летови на скопскиот аеродром „Александар Велики“.
Во текот на ноќта и утрово откажани се слетувања и полетувања на десетина летови. Од аеродромот не полетаа авионите за Виена, Загреб, Ајдховен, Малта, Малме, Копенхаген и Истанбул на „Туркиш ерлајнс“. Летот од Скопје за Истанбул со компанијата „Пегасус“ полета со задоцнување од два часа.
Исто така, на скопскиот аеродром не слетаа летовите од Виена, Малта, Ајдховен, Малме, Копенхаген, Сандефјорд, како и летот од Истанбул на „Туркиш ерлајнс“. Летот од Истанбул до Скопје на компанијата „Пегасус“ доцнеше два часа, а летот од Ваксјо е пренасочен кон Приштина.
Д.М.
