Војвотката Кејт Мидлтон ја донирала својата коса во хуманитарни цели на девојчињата кои боледуваат од рак да им се направат перики.
Според странските медиуми, пред три месеци фризерот на Кејт и скратил речиси 20 см од нејзината коса која потоа била донирана на организацијата „Мала принцеза“ (Little princess). Ова здружение произведува перики за најмладите пациентки кои поради хемотерапија и зрачење останале без косата.
Кејт на оваа идеја дошла пред четири месеци, кога фризерот и предложил да ја скрати косата, бидејќи била предолга. За да не ја фрли беспотребно, војвотката се сетила на оваа акција и одлучила да ја подари.
„Косата беше испратена под лажно име, така што организацијата не го знаеше нејзиното вистинскот потекло. Мислеа дека е од донорка од областа Кенсигтон. Прекрасно е кога ќе помислите дека таму некаде девојче радосно носи перика направена од косата на вистинска принцеза. Многу е трогателно тоа што Кејт го направи и е многу внимателно, бидејќи косата би била фрлена“, открил извор од палатата.
Д.М.
