Шефот на Европската комисија Жан-Клод Јункер денеска истакна дека е многу важно на државите од Западен Балкан да им се понуди перспектива за членство во ЕУ, но инсистираше дека претходно тие мора да ги решат сите гранични спорови.
– Постојат многу гранични спорови на Западен Балкан и тие мора да се решат пред да можеме да одиме чекор понатаму, изјави Јункер на годишната безбедносна конференција во Минхен.
Тој рече дека е фрустриран од тековниот пограничен спор меѓу Хрватска и Словенија, кој не беше решен пред да се приклучат на ЕУ и истакна дека поради тоа мора да се спречи таков случај со други потенцијални земји-членки на ЕУ.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.