Полицаецот чувар Скот Питерсон, кој бил на должност во средното училиште во Флорида кога поранешниот ученик Николас Круз уби 17 лица, стоел околу четири минути пред зградата и не влегол внатре за да го спречи нападот, изјави шерифот на областа Броуард на Флорида, Скот Израел.
Израел на прес конференција соопшти дека полицаецот Питерсон дал отказ откако бил суспендиран и не добил плата.
Израел истакна дека одлуката ја донел откако ја гледал снимката од камерите за надзор и разговарал со очевидци и со Питерсон.
Тој наведе дека Питерсон застанал пред зградата каде се случил нападот, заземал позиција, но не влегол внатре.
На новинарско прашање што требал да направи Питерсон, Изреал рече дека требал да влезе внатре, да се соочи со убиецот и да го убие.
Напаѓачот Николас Круз (19) на 14 февруари уби 17 лица во средно училиште во градот Паркленд, по што се обиде да избега, но беше уапсен.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
