„Ќе ги спомнам претставниците од Влада и од Собранието кои се исклучителни важни како дел од овој концепт на демократија, правда и човекови права. Поминавме доста време, можеби околу седум години, активно обидувајќи се да градиме една политичка култура на отпор кон било какви политики на корупција, непотизам, нетранспарентно работење, криминал, кој што доаѓа од страна на извршната, законодавната или судската власт, па дури и во економската област“, истакна активистката Јасмина Голубовска на конференцијата „Граѓанска повелба – Глобална рамка за учество на граѓаните“, на ЦИВИЛ.
Овие општествени феномени не му даваат на едно општество да заживее врз вистински демократски принципи, а наспроти тоа гради и ги спојува оние кои се научени или приучени форми на политичко уредување коешто е во директен судир, односно е во еден вид на хибрид, што значи едно приучено навидум неинформирано, неедуцирано раководство во она што значи демократија, особено парламентарна демоктратија.
„Една година потоа не можам да видам некои промени во надминување на поранешните состојби кои се длабоко вкоренети. Мојата магистратура која беше во 2009 година на тема дека Македонија и Албанија во суштина се хибридни системи кои продуцираат голем степен на недемократија, авториритарно однесување во самиот политички систем за контрола на населението и ресурсите кои се природно стекнати. Денеска не гледам некои сериозни обиди за промена на таков вид на политики, односно повторно се соочуваме со носење на површни политики коишто формално-правно задоволуваат можеби нечиј интерес, на некоја помала или поголема група, меѓутоа како општество во целина не ги земаат во предвид интересите на сите“, додаде Голубовска.
Таа потенцираше дека градењето на однос не е градење на однос на кликови, или на објава на документи кои можеби некој ќе ги види а можеби и нема. Директен однос и градење, значи директен пристап и комуникација со граѓаните за да може да се вклучат сите групи.
„Пример, ги повикувате граѓанските организации да формирате совет, но не ги повикувате неформалните групи. Сеграгацијата веднаш се јавува помеѓу оние кои имаат директна комуникација со владата и тие што немаат.
Позитивно во овој период е реформата на влада која што следи, дека ќе биде базирана на вистинити информации со добра анализа претходно направена и дека навистина ќе донесе промени, односно луѓе на позиција коишто ќе може да се носат со потешкотиите, бидејќи имаат многу работа од она што го наследиле. Ни требаат посветени луѓе, ангажирани со чиста мисла и визија и интерес да не видат сите заедно во едно подобро општество и иднина“, истакна Голубовска.
Дехран Муратов
Камера: Атанас Петровски
Монтажа: Ермин Климента
Фотографија: Биљана Јордановска
