Општина Аеродром денеска почнува еко-акција со која се уредуваат јавните зелени површини кои се под нејзина надлежност.
Комуналните служби на општина Аеродром, почнувајќи од населбата Мичурин, во наредните денови ќе ги опфатат сите реони, а пролетната акција вклучува косење трева, собирање гранки и шут, како и метење на улиците и паркинзите.
Општина Аеродром информира дека во текот на овој месец е планирана и акција за расчистување на дивите депонии на различни локации во општината.
Со цел подигање на еко-свеста кај населението, инспекциските служби на општина Аеродром почнуваат едукативна кампања, преку која на терен ќе ги информираат граѓаните за Законот за јавна чистота и казните кои следуваат за негово непочитување.
извор: МИА
