Генералното собрание на Обединетите нации на 3 декември 2018 година, со консензус ја усвои резолуцијата за прогласување на 24 јануари како Меѓународен ден на образование, во одбележување на улогата на образованието за мир и развој.
Усвојувањето на резолуцијата 73/25 “Меѓународен ден на образованието”, коавторство на Нигерија и 58 други земји-членки, ја покажа непоколебливата политичка волја за поддршка на трансформативните активности за инклузивно, правично и квалитетно образование за сите.
Со тоа, меѓународната заедница потврди дека образованието игра клучна улога во градењето одржливи општества и придонесува за постигнување на сите други цели за одржлив развој.
Во насока на зајакнување на меѓународната соработка во поддршката на напорите за реализација на целта 4 за одржлив развој, резолуцијата ги повика сите засегнати страни, вклучувајќи ги земјите-членки, организациите на системот на ОН и граѓанското општество, невладините организации, академските институции, приватните сектор, поединци и други релевантни засегнати страни за набљудување на Меѓународниот ден на образованието.
Денеска се одбележува првата годишнина на Меѓународниот ден на образованието. По тој повод УНЕСКО ги повикува владите и сите партнери да го направат универзалното квалитетно образование водечки приоритет.
„Овој ден е повод за повторно да ги потврдиме основните принципи. Прво, образованието е човеково право, јавно добро и јавна одговорност. Второ, образованието е најмоќната сила во нашите раце за да обезбеди значителни подобрувања во здравјето, да го стимулираме економскиот раст, да го отвориме потенцијалот и иновациите потребни да изградиме попродорни и одржливи општества. И на крај, итно треба да повикаме на колективна акција за образование на глобално ниво”, изјави Одри Азулај, генерален директор на УНЕСКО по повод Меѓународниот ден на образованието.
Б. Ј.
