Претседателство
Во последните денови од својот мандат, претседателот Ѓорѓе Иванов, е актуелен повторно со случајот „27 април“. На претседателската адреса стигнале 16 барања за помилувања, за кои се верува дека се пратени од семејствата на осудените.
Од Кабинетот на Ивано официјално потврдуваат дека барањата пристигнале, но не откриваат на кои осудени се однесуваат.
Во јавноста се разви дискусија колку претседатело им дискреционо право да врши помилувања, со оглед дека ако донесе тавка одлука ќе се повикува на член 11 од Законот за помилување донесен во 1993 година, на сличен начин како што помилува 56 лица опфатени во предметите на СЈО, што, пак, беше причина и за започнување на протестите кои подоцна прераснаа во Шарена револуција.
Дилемата кај правните експерти е дали тој член воопшто постои во правниот систем со оглед дека членот 11 од Законот за помилување Уставниот суд го укина во 2009 година, потоа во 2016 година уставните судии ја поништија одлуката која донесоа шест години претходно. Па врз основа на таа одлука Иванов ги помилува 56 политичари и нивни соработници. Иванов, подоцна, под притисок на јавноста, ја повлече одлуката.
ДИК
Државната изборна комисија, во соработка со Националниот демократски институт (НДИ), денеска ќе ги посети општинските изборни комисии во Дебар, Охрид и Ново Село, а ќе имаше и кратки средби со кандидатите за градоначалници на овие општини, односно нивни овластени претставници.
Исто така, ДИК го збогати Прирачникот за едукација на членовите на Општиниските изборни комисии и на избирачките одбори со видео материјал.
Целта на прирачникот е да помогне кон законско, стручно и квалитетно исполнување на сите активности во рамки на Изборниот законик.
Уште на самиот почеток ДИК предупредува доколку не се почитуваат пропишаните процедури предвидени се и соодветни санкции – мерка отстранување од избирачките органи, парични казни и казни затвор за потешки дела против изборите.
Она што треба да го запомнат членовите на избирачките одбри е да ја почитуваат докрај потпишаната изјава за обезбедување тајност на гласањето и заштита на личните податоци.
Судбината на СЈО
Во текот на вчерашниот ден се одржала ненајавена средба меѓу власта и опозицијата за статусот на Специјалното јавно обвинителство, каде дури се лиферува дека учествувале и самите лидери, Зоран Заев и Христијан Мицковски.
Средбата која првично беше најавена за денеска од страна на премиерот Зоран Заев, завршила со мал напредок, но без конкретен успех, особено во однос на главните точки за кои партиите не се согласуваат.
Партиски извори тврдат дека Заев и Мицкоски биле придружени од министерката Рената Дескоска и адвокатот Тони Менкиковски како претставници на двете најголеми партии.
Од Министерството за правда испратија кратко соопштение каде ја потврдија средбата, но без детали за учесниците и точките за кои е постигнат напредок.
ЦИВИЛни активности
Осуда
ЦИВИЛ – Центар за слобода остро ја осудува изјавата на поглаварот на Исламската верска заедница, Сулејман Реџепи дадена на 14 март, на церемонија на поставување на камен-темелник на џамијата во скопското село Арнакија, а објавена на неговиот Фејсбук профил деновиве.
ЦИВИЛ констатира дека со ваквата изјава, поглаварот на ИВЗ, Сулејман Реџепи грубо го крши членот 391 од Кривичниот законик, според кој не е дозволено предизвикување на омраза, раздор или нетрпеливост врз национална, расна, верска и друга дискриминаторска основа.
ЦИВИЛ бара од Министерството за внатрешни работи и од Јавното обвинителство да реагираат веднаш и да го повикаат Реџепи на одговорност! Исто така, ЦИВИЛ побара од Реџепи да се извини и да ја повлече својата изјава!
Какви избори -таква иднина
Конференцијата „Какви избори – таква иднина“ во организација на ЦИВИЛ ќе се одржи во утре, 10 април, во хотел Парк Резиденс (зад градскиот стадион) со почеток во 12 часот. На оваа конференција, претставничките и претставниците на ЦИВИЛ ќе споделат со јавноста недоволно познати детали од досегашниот изборен мониторинг.
За различни аспекти на изборниот процес ќе говорат и: претседателот на ДИК, Оливер Деркоски, претседателката на ДКСК, Билјана Ивановска, заменик министерот за администрација, Александар Бајдевски, државниот советник при Народниот правобранител, Зоран Билбиловски, уредникот на „Слободен печат“, Бранко Героски, политичкиот аналитичар, Сашо Орданоски, претседателката на Инклузива, Благица Димитровска и низа други.
Говорнички и говорници од ЦИВИЛ ќе бидат: Ангела Петровска, Маја Ивановска, Дехран Муратов и Џабир Дерала, а модераторка на Конференцијата ќе биде Биљана Јордановска од ЦИВИЛ.
Стево Пендаровски, кандидат за претседател, со поддршка на СДСМ и ДУИ, вчера ќе остане забележан со изјавата дадена пред граѓанките и граѓаните во Шуто Оризари, дека политичарите не смеат да зборуваат за правата на Ромите и да се сеќаваат на нив само на денот на Ромите, туку треба секој ден да се води сметка за нивниот животен стандард. Зошто ќе треба да се запомни? Затоа што веќе две години се на власт, а што направиле за нив?
Што се однесува до Гордан Силјановска Давкова, поддржана од ВМРО – ДПМНЕ, пак, во контекст на Меѓународниот ден на Ромите изјави дека нејзината ќерка ја чувала Ромка. Оценка за изјавата: Уште една класична манипулација од страна на политичар кој користи само одредени денови, кога нешто се одбележува за да се сетат на нешто дека постои, дека е потребна промена…
Блерим Река вчерашниот кампањски ден го исористи да се осврне на концептот едно општество за сите, појаснувајќи дека Северна Македонија не е држава за сите. Тој, како претседател, ќе се залага за ресоцијализацијата на припадниците на ОНА…
„Никој не може да ги натера Албанците да гласаат против себе, против Албанец“ истакна Река вчера во Теарце.
Препорака
Наша препорака е да се порчита и размисли за Крушево денес… репортажа на Дехран Муратов од ЦИВИЛ која сликовито низ крушевските заборавени убавини, ја прикажува суровата македонска реалоност.
Б. Јордановска
Фотографија во прилог на текстот: Роберт Атанасовски
