Прикривање на руските воени злосторства и префрлање на одговорноста
Руската пропаганда продолжува да ги прикрива воените злосторства извршени од руските војници во Украина, префрлајќи ја целата одговорност на украинската војска. Како еден од бројните примери е и објавата на руското Министерство за одбрана дека „офицерите на Службата за безбедност на Украина и британските специјални служби подготвуваат уште еден лажен настан во градот Лисичанск, каде што пристигнаа претставници на украински и западни медиуми, кои инсценираа фотографии и видеа во Буча“.
Следејќи многу други западни медиуми, на 5 мај меѓународната новинска агенција Ројтерс објави сопствена истрага која ги утврди идентитетите и местата на служба на руските војници кои биле во Буча за време на окупацијата и масовните убиства на цивили. Новинарите интервјуираа повеќе од 90 жители на градот, споредија фотографии, видеа и сведоштва и раскажаа за оние руски војници чии личности беа идентификувани.
Претходно имаше голема истрага на Асошиетед прес, која докажа дека повеќе од 600 луѓе загинале во драмскиот театар во градот Мариупол како последица на руските бомбардирања. Се чини дека Кремљ го поканува целиот цивилизиран свет да направи избор меѓу официјалните извори на руската пропаганда и истакнатите меѓународни медиуми, кои со децении професионална работа стекнаа беспрекорна репутација, информираат од украинската владина канцеларија за координација на Европска и евроатлантска интеграција.
Руската пропаганда активно користи симболи од Советската ера – знамиња
Од украинската Владина канцеларија за координација на Европска и евроатлантска интеграција информираат и дека руската пропаганда активно користи симболи од Советската ера. Како еден од примерите е и монтирано видео на кое е прикажана возрасна жена со црвено знаме во рацете, како излегува пред украински војници давајќи го за замена за храна. Во понатамошна истрага, Украинците ја пронашле жената ( Ана Иванова), која им раскажала дека таа всушност мислела дека пред неа се руски војници, и дека знамето го носела за да ги замоли да не ја уништуваат Украина. Преку ова лажно видео, руската пропаганда креира „митолошка слика на Украинка“.
По нејзиното интервју за украинските власти, руските пропагандисти напишаа дека била заробена од Службата за безбедност на Украина и принудена да каже лага.
„Борбената дрога“, уште една алатка на руската пропаганда
Руската пропаганда се врати на темата за борба против дрогата во украинската армија. Руската информативна агенција РИА Новости (Вести) објави вест дека таканаречената „борбена дрога“ од која се прават „универзални војници“, биле пронајдени од војници на Народната милиција на Народна Република Луганск во напуштените ровови од страна на украинската војска во Рубижне“. Се додава дека „ова е воен анестетик, но вклучува психотропна и супресивна супстанца која произведува толку многу адреналин во крвта што човекот заборава на болката и заморот“.
Всушност, вака руските пропагандисти признаваат дека Украинците се вистински воини и дека е невозможно да се бориме со нив. Во време кога руските пропагандисти измислуваат уште еден лажен, шпанската полиција го уапси Анатоли Шарии, еден од нивните колеги. Тој активно придонесе за спроведување на информативни операции против Украина од страна на соодветните структури на Руската Федерација. Особено, Шарии ја дискредитираше државната политика на Украина, ширеше манипулативни информации за владините иницијативи и ги искривува информациите за настаните во источна Украина.
Во меѓувреме, Кремљ поддржува какви било активности на членките на ЕУ што се спротивставуваат на политиката на официјален Брисел. Сепак, и покрај деструктивната активност на Кремљ, прашањето за Украина дополнително ја обединува европската заедница, велат од украинската Владина канцеларија за координација на Европска и евроатлантска интеграција.
Д. Тахири
