Повикот на ЦИВИЛ до своите членови, поддржувачи, соработници и сите заинтересирани граѓанки и граѓани да учествуваат во новата акција: Граѓански форум за учество во креирање на владините политики допре до голем број граѓанки и граѓани, активисти и поддржувачи на организацијата. На нашите електронски адреси веќе пристигнаа голем број пораки со артикулирани барања до идната влада, коишто веќе се објавуваат на медиумската платформа на ЦИВИЛ.
Александар Филиповиќ, активист и соработник на ЦИВИЛ, пишува:
Без оглед на тоа кој ќе успее да состави Влада, очекувам поголема транспарентност, еднакви можности за сите и зајакнување на граѓанскиот концепт.
Ќе наведам неколку термини, односно предлози за одредени категории на граѓани и граѓанки кои што се од значење, а воедно би допринеле за подобро утре за секого и еднаквост пред законот и придобивките.
- Социјална заштита.
2. Закон за проценка на ранливост, права и бенефиции.
3. Закон за лица со статус (деца без родителска грижа, стечајнни работници, бездомни лица, лица со хендикеп или одредена попреченост, лица кои поради ново настаната ситуација се спречени да водат нормален живот, во случај на природна непогода, случај на војна, случај на економска криза во државата.
Бидејќи во минатото се имаме среќавано со доста случаи од социјално ранливите категории, за кои на некои од тие случаи не беше укажана и остварена помошта која со закон следува, или пак беа доведувани до степен да мораат јавно да излезат и да кажат дека државата т.е институциите не користат ништо од своите капацитети и дејства и покрај упорноста на засегнатите. Од новата Влада јас лично очекувам да се поведе сметка.
За оваа категорија граѓанки и граѓани, да се одговори и дејствува на сите активни барања, и тие во фиока. Да се фокусира на тоа да невработеноста се намали значително што е можно доколку се ажурни. Бидејќи верувам дека имаат капацитет. Да се фокусира на тоа да ги тргне од улица најпогодените (децата и повозрасните луѓе кои питачат на семафори. Да им обезбеди соодветен простор и услови за живеење. Да ги вработи и регистрира во системот за социјална заштита.При тоа со гаранција дека доживотно се заштитени и дека секој аспект и начин на помош која им следува од државата ќе бидат секогаш на готовс и активирани, законот за проценка на ранливост,права и бенефиции.
Да се формира комисија која ќе биде транспарентна и неподмитлива во однос на постапувањето по пристигнатите барања од страна на ранливата категорија. Поединец, семејство итн. Секој обид за фрлање во фиока на предмет или заташкување од страна на внатрешните лица задолжени за спроведување на закон и одредување да биде казниво со закон и казната да не биде парична туку затворска во времетраење кое ќе го одреди јавното обвинителство согласно критериумите за степени на кривично дело сторено од правно лице.
Да се направи ревизија во работата на Министерството за Труд и Социјална политика на Р.С.Македонија.
За секоја постапка која е почната а прекината, да се наведат причините за истата и секако времено да се извести странката за промените, и со детален опис и понатамошни дирекции.
Очекувам да се донесе законот за Деца на бранители во конфликтот 2001. Закон кој ќе ја задолжува државата системски да си провери и утврди кое семејство е погодено од кризата, независно дали се работи за семејство т.е деца кои го загубиле едниот или двата родители во тој конфликт.
Да се расчисти со тоа да деца на лица кои го загрозувале и се обиделе да го урнат уставниот поредок ги имаат сите права и бенефити па дури и во случаи каде е дадено повеќе од што треба. Ако зборуваме отворено јас не знам за држава во која терорист има било какви основни права, а да не зборуваме за останатите нешта.
Очекувам со оглед на тоа што и тие се свесни дека стојат така нештата.
Веќе да не бидат неми на побараната рака и помош што им следува со закон на ранливата категорија граѓани и граѓанки, повторувам, со Закон (што значи дека мораат да постапат). Да не го доведуваат обичниот граѓанин односно тој кој е во тешка состојба, да посегне по начин на извлекување од истата со кој ќе се загрози уште повеќе и ќе стори кривично дело.
Да не го понижуваат оштетениот или оштетената со репресии или да бидат доведени до степен да се појават на камера јавно, за потоа да се јават некои функционери и да речат еве сторивме, а на пример со години немале слух за ист случај. Не!
Не на тој начин..Ако цената на реализација на правата е да бидеш понижен,и третиран како отпад јас велам НЕ! За секоја таква постапка да се одговара кривично.
Очекувам исто така да се воведе систем кој на лицата од социјалната категорија ќе им помогне да завршат со школувањето доколку истото во одреден временски период било прекинато поради немањето услови, материјално-технички средства итн.
Можност за до школување на тие лица со цел вработување на цврсто и продуктивно работно место со еднаков третман кога се во прашање работничките права,здравствената заштита и се она што е опфатено под терминот човекови права.
Очекувам од оваа влада поголема ажурност за горенаведените нешта кои мислам дека се коренот за измена и стабилизирање на општетството во кое се наоѓаме.
И очекувам стриктно, дека конечно, големците ќе реагираат и посветат внимание на оваа категорија во која спаѓам и јас, како дете кое било во дом и се води со статус дете без родителска грижа до 18 години.
