Во текот на одржување на Конститутивната седница во Собранието, ЦИВИЛ Медиа разговараше со политичкиот аналитичар Петар Арсовски, за неговите видувања од спроведувањето на изборниот проце, формирањето на идната влада, како и очекувањата во спроведување на реформите што се неопходни за евроинтеграциите на земјата.
ЦИВИЛ Медиа: Ваша оценка за изминатиот изборен процес и прогнози за формирањето и функционирањето на идната влада… Кои се вашите очекувања?
Арсовски: Што се однесува до изборниот процес, тој беше релативно пристоен, но постојат сè уште забелешки што не се расчистени. Јавноста уште очекува одговор за хакирањето и на страницата на ДИК и на серверот на ДИК. Додека не се расчистат сите овие обвинувања не можеме да заклучиме како бил изборниот процес. Важно е да се расчистат тие работи, бидејќи земја која е членка на НАТО и претендира дап очне преговори со ЕУ, мора да ги расчисти тие нерегуларности, доколку постоеле, до крај.
Што се однесува до Владата и тука е рано да се предвидува. Мислам дека денешната конститутивна седница на Собранието без никакви политички одлуки. Ниту ќе се избере Комисија, ниту ќе се избере претседател на Собрание, бидејќи партиите најавија дека допрва ќе ги започнуваат преговорите за Влада, така што и за тоа ќе треба да почекаме да видиме како ќе се одвиваат работите…
Значи, изборниот процес помина генерално ок. Имавме забелешки што треба да се расчистат, но треба да бидеме подготвени на фактот дека сме дека сме ги спроведувале изборите во една ненормална ситуација. Во таа смисла и одзивот не беше катастрофален, беше пристоен, не може да се забележи на легитимноста на резултатите со таквиот одѕив. Така што мислам дека никој нема политичка волја ниту пак желба кај критичката јавност ниту кај политичарите да се проблематизира уште изборниот процес. Мислам дека сите сакаат што побрзо да се заврши и да се реституираат институциите кои се неопходни за справување со кризата. Така што каков и да бил процесот и какви и да биле забелешките сега е тоа завршена работа.
ЦИВИЛ Медиа: Што очекувате од новата Влада, независно како ќе се формира, во услови коишто и се наметнати, постои можност да ги спорведе целосно реформите што се потребни, од она каде што застана, во однос на членстовото во ЕУ?
Арсовски: Тешко ќе биде да се спроведуваат реформите, особено оние што се однесуваат на владеење на правото во ваква констелација на односите. По сè изгледа дека наредната влада, каква и да биде таа, ќе биде нестабилна и дека нема да биде комотна многу во својот мандат што е предуслов за спроведување на посуштински реформи. Мислам дека не очекува еден мачен политички период и со паднемијата и со нестабилната политичка ситуација во Македонија и со големите предизвици што не чекаат и за да ги почнеме преговорите и откако ќе ги почнеме преговорите. Очекувам дека наредната влада, која и да биде таа, ќе се помачи малку.
Биљана Јордановска
