• Latest
Бранко Тричковски, колумнист

Барањата на Ахмети се единствен стратегиски концепт

October 6, 2024

Хоџиќ: Македонската политичка елита ја подготвува јавноста за интеграција во „српскиот свет“

October 25, 2025

Најголемиот американски воен брод, авиони, беспилотни летала и маринци се распоредуваат околу Венецуела

October 25, 2025

Камала Харис: Можно е повторно да се кандидирам за претседателка на САД

October 25, 2025

Религијата како оружје

October 25, 2025

Урсула фон дер Лајен: ЕУ развива план за намалување на зависноста од критични суровини од Кина

October 25, 2025

Турција најверојатно ќе биде исклучена од планот за стабилизација на Газа по противењето на Израел

October 25, 2025
Фото: Х

Литванија ги затвори аеродромите и граничните премини со Белорусија поради временските балони

October 25, 2025

Злокобниот упад од 18 секунди и долгата сенка на руската хибридна војна против Европа

October 25, 2025

САД воведоа санкции врз колумбискиот претседател Густаво Петро и членовите на неговото семејство

October 25, 2025

Најмалку еден загинат, а 10 се повредени во руски балистички ракетен напад врз Кијив

October 25, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СТАВОВИ

Барањата на Ахмети се единствен стратегиски концепт

October 6, 2024 19:54
in ПОЛИТИКА, СТАВОВИ
Бранко Тричковски, колумнист

Бранко Тричковски, колумнист

Share on FacebookShare on Twitter

БРАНКО ТРИЧКОВСКИ

Додека македонскиот народ купува акции во „Стандард и Пур“ со парите од покачувањето на пензиите и прави торти за прослава на тој милосрден чин што  Македонците во години ги натера да плачат ко деца, а владата и власта се однесуваат како тукушто излегнати желчиња кои по плажата на Историјата трчаат кон светлата на околните хотели и вили, значи кон смртта, а не кон животот во светлината на морските бранови, Али Ахмети се занимава со генерална политика испорачувајќи пет барања за петте најважни теми за Северна Македонија.

Неговите барања може да се мотивирани со идејата да се врати на власт, но тоа не ја спушта важноста на неговите идеи, туку ја зголемува до нивото на единствен политички мислител и притоа доктор кој има лекови и магии со кои може да ја спаси жална Македонија од вмронската чума.

Така пеевме, се сеќавате?

Е, добро, не се вика Гоце, но јас не гледам друг што се обидува концепциски да ја пропади чумата.

Независно од некои валканици во неговиот багаж.

Обратно, имам впечаток дека сите други се органи на чумата.

Неговите барања може да се насочени и кон дестабилизација на државата, омилена интерпретација на медиумскиот хор на глупавите со лајот на вморонските песови, но и да е така, тоа само додава нова вредност на неговата идеја, затоа што таа дестабилизација е единствениот спас од смртоносната прегратка на власт на чипираните идиоти на вмро-дпмне и на неговите партнери.

Тие кои го обвинуваат за дестабилизација уживаат како крастави жабетини во водата која полека се загрева на шпоретот на вмро.

Луд свет!

Не постојат докази дека тие се луѓе, а има безброј докази дека не се.

Кои се фамозните барања на Ахмети?

Лидерот на ДУИ ја повика коалицијата Вреди да ја напушти Владата, повикувајќи ги заедно да стават крај на понижувањето на Албанците и на другите.

Мислите дека нема понижување на Албанците и на сите други.

На нормалните од сите заедници – посебно!

„Почитувани граѓани, дозволете ми уште еднаш да повторам дека нашите приоритети вклучуваат: Евроинтеграции без никакво одлагање и без никакви двоумења, како единствена алтернатива за нашата земја. Ветинг за сите политичари, судии, обвинители и носители на јавни функции, со меѓународен мониторинг. Верификација и контрола на имотот за сите носители на јавна функција во последните 33 години. Истрага за процесот на приватизација и транзиција заедно со олигархијата создадена од тој процес. Почитување на етничкиот легитимитет на изборниот процес и меѓуетничкиот карактер на институциите во согласност со волјата на гласачите и на заедниците.”

Напишал Ахмети на Фејсбук.

Ги поддржувам сите  барања.

Јас знам дека тие се неостварливи или се тешко остварливи, повеќето или сите, не се по ќеиф на повеќето Македонци, но јас ги поддржувам не само затоа што мислам дека се единствена вредна нова рамка за македонската слика, туку, имено затоа што се такви или изгледаат такви – неостварливи. Јас сум длабоко уверен дека само светлата што ги пружаат тие ориентири, тие неостварливости, можат да нѐ одлепат од денешната кал во која свесно и систематски нѐ држи вмро и да нѐ однесат во убави перспективи.

Освен тоа, многу добро знам дека вистинските решенија се секогаш спротивни на мнозинското мислење на Македонците.

Да, да, да!!!

Хахаха!

Праксата на дневна критика на политиките на власта, на разни досетки и исмевања, на продукцијата на афери во кои се похуваат Мицко и неговите говњари, не е доволна за пресврт на ситуацијата.

Обратно, тие пракси не го возбудуваат граѓанството, туку го тераат да се прилагодува на ненормалноста и да ја прифаќа како нормалност.

Единствени стратегиски погледи зад хоризонтот затрупан со милион глупости, се овие што се формулирани во петте барања на Ахмети.

Тој го нема интелектуалниот капацитет на Арбен Џафери, но го има политичкиот интелект и способноста за стратегиски размислувања какви што на македонската етничка страна – нема!

Македонците се националисти и опортунисти, односно опортунистички националисти и празнословни брбљатори.

За жал.

Тоа е погонското гориво кое го забрзува нивниот историски автобус кон бездната на исчезнатите.

Значи, евроинтеграции веднаш и без одлагање.

Во врска со тоа е и апелот за излегување на влен од власта, меѓу другото, затоа што и самите имаа ветувања и барања во таа насока.

Мислите дека е подобра идејата на Мицко да ја чекаме новата бугарска влада и да и да преговараме за подобри решенија во наредните илјада години?

Јас мислам дека така можат да мислат само луѓето со испран мозок или будалите.

Ветинг за сите функционери!

Имате нешто против Лигњата да се симне од екраните и од државната каса?

Или Мицика и Пацика?

Проверка на имотот на сите носители на јавни функции во последните 33 години.

Или вие мислите дека тука сѐ е чисто и нема што да се проверува?

Истрага за приватизацијата во која имаше низа свињарии и во која, меѓу другото, Албанците беа закинати!

Какви се вашите забелешки по оваа прашање?

Истрага за процесите низ кои е формирана олигархијата.

Сигурен сум дека повеќе клучни фигури можат да бидат спокојни, но мнозинството се резултат на криминални, партиски, роднински или политички злоупотреби.

Конечно, почитување на етничкиот легитимитет на изборниот процес и меѓуетничкиот карактер на институциите во согласност со волјата на гласачите и на заедниците.

Ова е, всушност, барањето на Ахмети да се почитува мнозинската воља на албанските гласачи и второ меѓуетничката композиција на институциите согласно изборниот легитимитет би значело дека дуи треба да биде партнер во владата затоа што е релативен победник кај Албанците.

Океј.

Сигурно е дека некои од барањата можеме да ги посматраме како блеф, односно со свест за тоа дека таа работа во актуелнава констелација не ја бива, некои како партиски интереси на дуи, но општо земено, кога на овие барања би ги додале идеите за авторефлексијата на Македонците во поглед на историјата и културата, заедно со клучната тема за девмровизацијата како битен процес за опстанокот на Македонците како посебна нација, значи, за ревизија на нивниот неодржлив светоглед, ќе дојдеме до целината на тоа што треба да направиме за однапред.

Тоа дека министерот, забравам му го името, и вмро, ќе спречат секаква дестабилизација, фрлете им го на кучињата и мачките покрај контејнерите. Тие се зафатени со спречување на евроинтеграциите и ако оценат дека дестабилизацијата може во тој поглед да помогне – ќе ја поддржат!

Хахаха!


Текстот е личен став на Авторот. Преземено од Фронтлајн.
Print Friendly, PDF & Email
Tags: Али АхметивладаВредиДУИ
Share33Tweet21Send

НАЈЧИТАНИ 5

  • EУ испрати порака, Мицкоски молчи – Андонов со жестока критика

    185 shares
    Share 74 Tweet 46
  • Поранешен унгарски разузнавач по неодржувањето на средбата помеѓу Трамп и Путин: Она што сега изгледа како дипломатски успех, на долг рок ќе се претвори во сериозна трагедија

    130 shares
    Share 52 Tweet 33
  • „На Ѓупците треба да им се забрани да гласаат“ – советник од десничарската МААК со скандалозен расистички испад во Неготино

    126 shares
    Share 50 Tweet 32
  • „Путин повторно го изигра“: Откажувањето на самитот во Будимпешта ја завршува фантазијата на Трамп дека ќе донесе мир во Украина

    101 shares
    Share 40 Tweet 25
  • Разобличување на „буразерската“ финансиска коалиција: Алта банка и „посвоената“ Стопанска банка – Битола во обид да го избегнат европскиот финансиски радар

    99 shares
    Share 40 Tweet 25
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ