Универзитетската професорка Беса Арифи одговори на прашањето на ЦИВИЛ за перспективите за 2021, за трендовите и препораките што таа мисли дека би можеле да бидат во следната година.
-Најпрво да кажам дека имавме навистина тешка година, во сите аспекти. Од март минатата година бевме во таа општа, глобална криза со Ковид – 19, и тоа многу влијаеше во целокупната работа на институциите, на сите институции, без исклучок, и дека навистина беше година во којашто, и да се сакаше, не можеше да се направи некое големо чудо, бидејќи навистина беа тешки периоди, и беа воспоставени некои други приоритети коишто се поврзуваа со здравјето на луѓето, и мислам дека од тој аспект, дури многу се направи од страна на институциите во целосната криза низ којашто поминавме.
Тоа ги успори сите други работи коишто требаше да се направат, коишто се поврзуваат низ разните реформи низ кои треба да помине државата, а врз основа на сите извештаи коишто порано биле донесени за Република Северна Македонија, а секогаш по патот на интеграцијата во Европската Унија. Сметам дека во 2021 година може да се направи повеќе, на пример, во реформите за правосудството. Таму се отворени големи теми, како што е прочистувањето на судството, можеби тоа ќе биде главниот предизвик во 2021 година, како што е унапредувањето на одредени права на граѓаните, на човекот воопшто, и мислам дека досега не се даде потребниот приоритет на правото и на правдата. Сето тоа се засени од други процеси, коишто беа поврзани со политиките со зачленување во Европската Унија.
Бевме дел од низа одлуки коишто беа од политички карактер, а понекогаш знаеа да навлезат и во правните приоритети на коишто не дека не се работеше, туку не можеше да се очекуваат резултати во однос на тие политички обврски кои ги имаше државата особено до зачленувањето во НАТО, а и со другите случувања во рамки на патот кон Европската Унија. Мислам дека кога ќе се стави под контрола кризата со Ковид – 19, во 2021 година правдата веќе треба да биде приоритет, да се воспостави правда и за минатите случаи, коишто се уште не гледам дека имаат правосилен завршеток, но, и да се отворат и завршат темите за коишто веќе доволно долго се зборува, и да се премине во практично спроведување на тие заложби, а коишто се поврзуваат со правдата и правосудството.
