Повикот на ЦИВИЛ до своите членови, поддржувачи, соработници и сите заинтересирани граѓанки и граѓани да учествуваат во новата акција: Граѓански форум за учество во креирање на владините политики допре до голем број граѓанки и граѓани, активисти и поддржувачи на организацијата. На нашите електронски адреси веќе пристигнаа голем број пораки со артикулирани барања до идната влада, коишто се објавуваат на медиумската платформа на ЦИВИЛ.
Активистката и соработничка на ЦИВИЛ, Билјана Атанасовска, пишува:
Во нашето општество сите мора да работиме за да направиме промени. Поделбите, тензиите, дискриминациите од секогаш постоеле. Националната, верска, политичка, социјална или било каква различност го одвојува и крши Општеството. Тажните лица, неостварените соништа и лажните вести го разорија Оштеството. Активното зборење и дискутирање за овие теми е многу важно за да ги сузбиеме неправилностите и лажните информации и насочиме Општеството кон правилен пат.
Мои предлози:
- Активно вклучување на граѓаните во дебати за да се изразат (еднаш до два пати месечно),
- Трибини за вмрежување и поврзување на граѓаните (со закуски и македонски производи),
- Едно Општество за сите (да ги негуваме различните култури и се почитуваме),
- Канцеларии на отворено или зелени канцеларии каде би имало активен контакт за следење на граѓаните, слушање на нивните мислења, насочување и воедно набљудување на однесувањето на поединци (мониторинг канцеларии),
- Поттикнување на наталитетот и меѓучовечките односи, поддржување на бракови од различни религии и националности за да се поттикне љубовта и човечноста,
- Намалување на јазот меѓу урбаните и руралните средини,
- Балансирано Општество (да се равие свеста за општото),
- Поттикнување за зелено Општество (намалување на употребата на возила, поттикнување за конзумација на растителна храна, престој во природа, живеење во рурални средини, распределба на вишоците на луѓето, заштита на женските права и детските итн)
Очекувам да се формира отворена и транспарентна Влада, достапна за сите. Влада која се бори за слабите и немоќните и ги препознава вистинските квалитети кај луѓето.
Влада која ќе пропагира:
Еднакво Општество (да се намали сиромаштијата и влијае на народот кон работливост и одговорност)
Правилно судство (правилно судење и намалување на разни афери)
Меѓуетничка трпеливост и соживот (забрана за употреба на навредливи зборови, омаловажување, и разлики меѓу граѓаните)
Подобрување на вработливоста,
Социјална правда,
Промовирање на убавиот живот во државата (Патувања низ државата, викенди, и промовирање на културните вредности)
Прогласување на јаболкото како стратешки производ,
Негување на традиционалните вредности со отвореност кон европските и светските политики и трендови,
Користење на бесплатни услуги за граѓаните, од кои постојат но потребна е информираност за граѓаните (како бесплатна правна помош, бесплатни обуки, бесплатни советувања и сл.).
