Во 2022 година без издадени 226 лиценци за нови 150 мегавати од обновливи извори на енергија, а најмногу се фотоволтаиците, информира првиот човек на РЕК, Марко Бислимоски. Тој, за време на годишната конференција „Година на нови можности“ додаде дека за јануари веќе има 30 лиценци и над 150 барања во РЕК.
„Во 2023 година ќе отидеме на 200 до 300 мегавати само од обновливи извори иако има и други големи проекти за фотоволтаци кои ќе се приклучат на мрежата. Треба да се знае дека од аспект на одржување, тие знаат да направат проблем, бидејќи произведуваат кога има сонце и ветер, освен биогасните централи. Оваа енергија се продава на слободниот пазар и нашата мрежа ќе може да издржи одреден капацитет, тој не е неограничен. Но треба да има балансирање. Во моментов не се инвестира само во Македонија, туку и сите земји од регионот. Сите гледаат дека најбрза и наједноставна инвестиција се фотоволтаиците“, рече Бислимоски.
Тој најави задолжителна набавка на батерии за инвеститорите.
Батериите и покрај тоа што ќе бидат обврска, тие ќе им ги намалат трошоците за балансирање, ќе им помогнат да бидат поконкурентни на пазарот, додаде Бислимоски.
