За првпат во државата ниту минималната плата ниту пензиите не се користат како алатка за манипулирање и уцени бидејќи ова донесува одржлив раст, а секако растот и развојот на нашата економија за да ги достигне потенцијалите клучно е реструктурирање на нашата економија, порача на панел дискусијата на годишната конференција на Владата, вицепремиерот за економски прашања Фатмир Битиќи.
Според него Планот за економски раст е првата нишка која што ние како Влада ја поставивме со развојна компонента, а за прв пат, порача тој, ние поддржуваме инвестиции, не правејќи разлика дали тие се домашни или странски, за среднорочни инвестициски циклуси до 5 години, тоа покажува дека оваа Влада е фокусирана на развој на компаниите а не само на раст на БДП како макроекономска категорија.
Битиќи посочи дека во Законот за финансиска поддршка на инвестиции, има посебна компонента која што е фокусирана само на истражување и регионален развој.
„Само така можеме да станеме поконкурентни и да произведуваме производи со повисока додадена вредност. Истовремено со последните промени на законот ги стимулираме компаниите да инвестираат во помалку развиените региони за да се намалат диспаритетите помеѓу нив. Ова е промената што оваа влада ја носи, поддеднаков развој а не само големо исчекорување на еден регион со тоа што ќе замрат останатите
Промена на пристапот на привлекување на странски инвестиции е еден показател кон што работиме – а тоа е економија во која поддржуваме компании и инвестиции кои резултираат со производи со поголема додадена вредност и подобро платени работни места, а не инвестиции со трудоинтензивни, ниско платени работни места. Според Развојната банка над 520 милиони евра странски инвестиции имаме во изминатата година години, нула средства за промоција информации од Развојната банка, а најдобро правиме промоција, односно компаниите сами кажуваат колку е добра нашата политика, вели тој.
Соња Танеска
