Иван Блажевиќ од Зелено-левата коалиција Солидарна од Република Хрватска која извојува победа на локалните избори во Загреб и Томашевиќ стана градоначалник, говори за црната пропаганда која десничарскиот кандидат Шкоро ја водел против Томашевиќ, на дебатата на ЦИВИЛ „Црната пропаганда против граѓанското општество“.
„Што се однесува на предизборната кампања, посебно на вториот круг, Мирослав Шкоро користеше во таа кампања веќе видени методи, особено во Србија, Унгарија, Полска која всушност е хаб за тие десничарски движења, кои првенствено се базирани на верски фундаментализам и екстремизам.“, рече Блажевиќ.
Тој истакна дека добар дел од своето време сегашниот градоначалник Томашевиќ го помина во цивилниот сектор и тоа било метата на пораките од предизборната црна кампања на противкандидатот. Црните пораки биле дека немал ни еден ден работен стаж, дека цивилниот сектор се странски платеници од Сорос, дека цивилниот сектор живее на државни јасли.
„Седум дена пред вториот изборен круг Шкоро излегува со листа од неколку организации од граѓанскиот сектор кои наводно се поврзани со Томашевиќ, користејќи манипулативни методи. На крајот пропагандистите го собраа вкупниот приход од сите организации и објавија скриншот од Ексел документ. И така, во неколку денови повеќекратно растеше прикажаниот број на невладини организации, терајќи ја приказната за странски платеници. Невладините на тоа не одговорија координирано и мислам дека граѓанското општество можеше, но не го искортистија тоа.’, нагласи Блажевиќ.
– Во кампањата имаше и лажни анкети кои се претставуваа како репрезентативни кои биле финансирани од страна на Шкоро, рече Блажевиќи додаде дека во Хрватска се доста јаки фундаменталистите кои се финансираа и од Русија и од Америка.
„Рускиот интерес е и верски, но претежно нивната цел е да се прави неред низ Европа и земјите од ЕУ, да создаваат алтернативно цивилно општество, од друга страна американските се претежно финансирани од верски-евангелиски организации“, потенцира Блажевиќ.
