Во Меморијалниот центар на Холокаустот на Евреите од Македонија на 28 јануари ќе се одржи тркалезна маса „Борба против антисемитизмот и искуствата од Холокаустот“ со почеток во 10 часот.
Во првиот панел „Предизвици на современиот антисемитизам и дисторзија на Холокаустот во Европа, начини и значења во справување со овој феномен“ ќе зборуваат Амбасадорот Томас Мајкл Бајер, специјален претставник на Австрија во Меѓународниот холокауст, Сеќавање на Алијансата -ИХРА, Амбасадорот Јован Теговски, национален координатор и шеф на македонската делегација во ИХРА, британскиот амбасадор во Македонија Х.Е. Г-ѓа Рејчел Галовеј и Бета Хараланова, претседателка на Институтот за зачувување на Холокаустот во Бугарија.
На вториот панел „Активизам на граѓанското општество и улогата на медиумите во борбата против говорот на омраза и дела поттикнати од говорот на омраза ќе зборуваат Џабир Дерала, претседател на ЦИВИЛ, Мире Младеновски, претседател на EUROCLIO, Горан Садикарио, извршен директор на Меморијалниот центар на холокаустот и Тамара Грнчароска, новинарка Телма ТВ.
Овој настан е по повод Меѓународниот ден на сеќавање на Холокаустот. Генералното собрание на Обединетите Нации пред 12 години одлучи да им се оддава почит на жртвите на холокаустот на 27 јануари, датумот кога пред 68 години престана да функционира нацистичкиот логор Аушвиц.
Б. Ј.
