• Latest
Фото: МИА

Борел: ЕУ ги осудува и не ги признава т.н. избори на териториите на Украина под руска окупација

September 11, 2023

24 ЧАСА: „Гасни комори и смрт“ за Албанците на спортски натпревар; Мицкоски, Тошковски, Стоилковиќ, Димитревски без одговор на прашањата на ЦИВИЛ; Таравари бара национализмот да биде осуден и изгаснат

August 4, 2025
Графити во Маџари, снимени на 5 септември 2024 (фото: ЦИВИЛ)

Дијагноза: Колективно воспитана омраза – „Смрт, гасни комори за Шиптарите“

August 4, 2025
Скриншот од видео кое наводно го прикажува погледот од авион што слетува на аеродромот во Сочи на 3 август Shaun Pinner/X

Украинците потврдија успешен напад со дронови врз складиште за гориво на рускиот аеродром во Сочи

August 4, 2025

Мицкоски, Тошковски, Стоилковиќ и Димитриевски без одговор на прашањата на ЦИВИЛ за националистичките скандирања во Куманово

August 4, 2025
Фотографија: ВИ

Во пресрет на локалните избори 2025: ДКСК без претседател, Собранието на одмор

August 4, 2025
Фото: Скриншот од видео објавено од Володимир Зеленски на Фејсбук

(ВИДЕО) Русија лови цивили: Зеленски споделува снимки од градовите на линија на фронтот

August 4, 2025
Порака за блокирање на веб-страница. Фото: LSM+

Латвија блокираше 10 веб-страници што шират руска пропаганда

August 4, 2025

(ИЗБОР) Албански медиуми: ОБСЕ нуди препораки за Кривичниот законик во Албанија; Спиропали и Османи со остри осуди за антиалбанските скандирања во Куманово

August 4, 2025
Фото: Скриншот од видео на WION

Најмалку 68 мигранти загинаа при превртување на брод кај Јемен

August 4, 2025

Министрите ќе ја извршуваат функцијата и додека се тркаат за градоначалник

August 4, 2025
CivilMedia
No Result
View All Result
No Result
View All Result
CivilMedia
No Result
View All Result
Home СВЕТ КОНФЛИКТИ ВОЈНА ВО УКРАИНА

Борел: ЕУ ги осудува и не ги признава т.н. избори на териториите на Украина под руска окупација

September 11, 2023 13:27
in ВЕСТИ, ВОЈНА ВО УКРАИНА, СВЕТ
Фото: МИА

Фото: МИА

Share on FacebookShare on Twitter

Европската Унија остро го осудува одржувањето на руските нелегитимни т.н. „избори“ во Автономната Република Крим и градот Севастопол и во делови од регионите Доњецк, Луганск, Запорожје и Керсон во Украина, кои Русија привремено ги окупираше, се вели во денешната реакција на високиот претставник на ЕУ за надворешна политика и безбедност Жозеп Борел за регионалните и локалните избори што од  8 до 10 септември беа организирани во Русија и на териториите на Украина под руска контрола.

– Решително го отфрламе овој натамошен залуден обид на Русија да ја легитимира или нормализира својата нелегална воена контрола и обидот за анексија на делови од украинските територии. Тоа претставува уште едно очигледно кршење на меѓународното право, вклучувајќи ги и Повелбата на ОН и независноста, суверенитетот и територијалниот интегритет на Украина. Европската Унија не ги признава и нема да ги признае ниту одржувањето на овие т.н. „избори“, ниту нивните резултати, наведува Борел во изјавата упатена во име на Европската Унија.

Тој, како што јави специјалниот известувач на МИА од Брисел, потенцира дека овие избори во Украина се одржаа во услови на „присилно и незаконско доделување пасоши од страна на Русија, вклучително и на деца, принуден трансфер и депортација, широко распространето и систематско кршење и злоупотреба на човековите права, како и заплашување и зголемена репресија врз украинските граѓани од Русија и нејзините нелегитимно назначени власти на привремено окупираните територии на Украина“, додавајќи дека руското политичкото раководство и оние кои се вклучени во организирањето на изборите ќе се соочат со последиците од овие незаконски активности.

– Европската Унија ја поздравува храброста на украинските жители кои се спротивставија на лажното гласање и продолжуваат да се спротивставуваат на руската окупација. Европската Унија останува цврсто посветена на поддршката на Украина и нејзината независност, суверенитет и територијален интегритет. Русија мора веднаш, целосно и безусловно да ги повлече сите свои војници и воена опрема од целата територија на Украина во нејзините меѓународно признати граници, потенцира Борел.

Тој натаму нагласува дека изборите во Русија се одржале во услови на многу ограничувања поради руската агресија врз Украина, зајакната внатрешната репресија со воведување воена цензура и натамошно сузбивање на опозициските политичари, граѓанските организации, независните медиуми и другите критички гласови, со употреба на репресивно законодавство и политички мотивирани казни.

– Ова резултираше со ограничувања на граѓанските и политичките права, спречувајќи многу кандидати да се кандидираат и ограничувајќи го изборот на руските гласачи и пристапот до точни информации за кандидатите. Европската Унија изразува жалење за континуираниот притисок врз независната група за набљудување избори Голос, вклучително и притворањето на нејзиниот копретседавач Григориј Мелкоњанц и ја повикува Русија да обезбеди продолжување на мониторингот на изборите, вклучително и од страна на ОБСЕ. Европската Унија продолжува да ја повикува Русија да ги исполни своите меѓународни обврски во однос на човековите права и основните слободи и да го укине своето репресивно законодавство, додава Борел во изјавата.

Print Friendly, PDF & Email
Tags: БорелизбориРусијаУкраина
Share33Tweet21Send

НАЈЧИТАНИ 5

    CIVIL MEDIA NEWSLETTER

    Check your inbox or spam folder to confirm your subscription.

    CivilMedia

    СЛОБОДНО.НЕЗАВИСНО.ОТВОРЕНО

    Следете нè

    No Result
    View All Result